«Якутуголь» аһаҕас аахсыйалаах холдингабай хампаанньа быйылгы сыл бастакы кыбаарталыгар былырыыҥҥыны кытта тэҥнээтэххэ, 21 %-нан элбэх чоҕу хостоото.
edersaas.ru.
Хампаанньа сыл бастакы үс ыйыгар 1,4 мөлүйүөн туонна таас чоҕу хостоото. Ити бу иннинээҕи кыбаартал көрдөрүүтүттэн 15 %-нан үрдүк. Коронавирус дьаҥынан сибээстээн, төһө даҕаны хааччахтыыр дьаһаллар киллэрилиннилэр, хампаанньа тэтимин ыһыктыбат. Үлэтин-хамнаһын кыраапыктаах былаан быһыытынан салайан иһэр.
– Коронавирус дьаҥын тарҕаппат туһугар тустаах дьаһаллары ыллыбыт, бары санитарнай ирдэбиллэри тутуһабыт. Кэлэр да өттүгэр бу тэтиммитин ыһыктыахпыт суоҕа, – диэн хампаанньа салайар дириэктэрэ Иван Цепков бигэргэтэрин Ил Дархан уонна Бырабыыталыстыба пресс-сулууспата иһитиннэрэр.
Раиса Сибирякова, «Саха сирэ» edersaas.ru
+1
+1
+1
+1
+1
+1
+1