«Якутуголь» быыстапка-дьаарбаҥкаҕа кытынна

Ааптар: 
Бөлөххө киир:

«Якутуголь» эдэр каадырдары үлэҕэ ыҥырар.

«Якутуголь» хампаанньа («Мечел» Бөлөххө киирэр) ХИФУ Нерюнгритааҕы филиалыгар уонна Саха сирин соҕурууҥҥу технологическай кэллиэһигэр үөрэнэр устудьуоннарга ыытыллыбыт быыстапка-дьаарбаҥкаҕа кытынна.

Хампаанньа үлэһиттэрэ устудьуоннарга тэрилтэ үлэтин-хамнаһын билиһиннэрдилэр уонна Нерюнгригэ 400-тэн тахса үлэ миэстэтигэр баҕалаах ыччаты ыҥырдылар, үлэ усулуобуйатын быһаардылар. Бүгүҥҥү күҥҥэ хампаанньаҕа машинистар, экскаватор машиниһын көмөлөһөөччүтэ, хайа маастара, самосвал массыыналар суоппардара, о.д.а. үлэһиттэргэ наадыйаллара этилиннэ. «Якутуголь» бэрэстэбиитэллэрэ хампаанньа уопсастыбаннай олоҕун туһунан эмиэ сырдаттылар. Көрсүһүү түмүгэр сорох устудьуоннар анкета толордулар, ону үлэни биэрээччилэр көрүөхтээхтэр.

Маннык дьаарбаҥкаларга кыттыыны ылыы, бу устудьуоннарга, үөрэхтэрин саҥа бүтэрээччилэргэ үлэ миэстэтин булалларыгар, стажировкаланалларыгар туһалаах, көдьүүстээх. Оттон тэрилтэҕэ саҥа каадырдары буларыгар кыаҕы биэрэр. Абитуриеннар мантан сирдэтэн ханнык идэлэр наадаларын, ханна үөрэниэхтэрин сөптөөҕүн толкуйдууллар, талаллар, — диэн кэпсиир «Якутуголь» хампаанньа салайар дириэктэрэ Иван Цепков.

«Якутуголь» хампаанньа пресс-сулууспата

+1
0
+1
0
+1
0
+1
0
+1
0
+1
0
+1
0