Дьокуускай куорат күнүн олохтоохтор эрэ буолбакка, ыраахтан-чугастан кэлбит ыалдьыттар эмиэ кэтэһэллэр. «Мегафон» суотабай хампаанньа оператора Куорат күнүн көрсө хаартысканан куонкурус биллэрдэ.
edersaas.ru
Кыайыылаах аата балаҕан ыйын 9 күнүгэр биллиэҕэ. Куонкурус усулуобуйата судургу. Ол курдук, балаҕан ыйын 8 күнүгэр диэри Instagram страницаҕытыгар Дьокуускай куоракка саамай сөбүлүүр миэстэҕитин хаартыскаҕа түһэрэн, #Якутскначинаетсястебя диэн хэштегтээн таһаарыаххытын наада. Кыайыылаахтар сыаналаах бирииһинэн, оттон бастакы миэстэни ылбыт кыттааччы Huawei P20 lite смартфонунан наҕараадаланыаҕа.
«Биһиги хаһыс да сылбытын Куорат күнүгэр кыттабыт. Хампаанньа филиала бырааһынньык күн анал былаһаакканы үлэлэтэр. Бу сырыыга хаартыска куонкуруһун биллэрдибит», – диэн «Мегафон» хампаанньа региональнай салаатын маассабай ырыынакка салаатын салайааччыта Наталья Некрасова кэпсиир.
Хаартыска интэриниэттэн.
Биһ. корр., edersaas.ru