«Якутскэнерго» үлэһиттэрэ күүстээх тыалга үлэлииргэ бэлэмнэр

«Якутскэнерго» суһал биригээдэтэ тыалтан уот ситимнэрэ алдьанар түгэннэригэр суһаллык оҥорорго бэлэмнэр диэн сайтарыгар биллэрдилэр. Санатан эттэххэ бүгүн, муус устар 24 күнүгэр, Дьокуускай куоракка күүстээх тыал түһэр.

Манан сибээстээн , «Якутскэнерго» үлэһиттэрэ Дьокуускай куорат олохтоохторун алдьаммыт уот ситимнэрин тыытымаҥ диэн сэрэтэллэр. Итиэннэ быстыбыт боруобакка чугаһаабаккытыгар сүбэлииллэр. Быстыбыт боруобакка 8 миэтэрэ чугаһаатахха, улахан кутталы үөскэтэҕин дииллэр.

Уот ситимэ быстыбытын, кутталлаах түгэн үөскээбитин көрдөххүтүнэ, «Якутскэнерго» диспетчердэрин сулууспатыгар +7(4112) 21-55-68 нүөмэргэ, эбэтэр Дьокуускай куорат дьуһуурунай диспетчердэригэр   +7(4112)44-42-29, +7(4112)44-42-51, +7(4112)44-45-64 нүөмэрдэринэн эрийэн биллэриҥ. Энергосбыт нүөмэрдэрэ  8-800-100-22-05, +7 (4112) 49-84-98. Улуустар оройуоннааҕы уот ситимин киинигэр эрийиэхтээххит!

Николай ПОПОВ, «Саха сирэ» хаһыат, edersaas.ru