Уотунан-күөһүнэн хааччыйыыга кыһалҕалары билэр-көрөр соруктаах «Якутскэнерго» АХ генеральнай дириэктэрэ Алексей Стручков салайааччылаах энергетиктэр дэлэгээссийэлэрэ Чурапчы улууһугар тахса сырытта.
Чурапчы улууһун баһылыгын Степан Саргыдаевы кытта улууһу уотунан хааччыйар эбийиэктэри көрдүлэр, тэрилтэлэргэ үлэһит көмүскэллээх буолуутун уонна куттал суох буолуутун быраабылатын тутуһууну бэрэбиэркэлээтилэр. Улуус электрическэй ситимнэрин саҥардыы, өрөмүөн, ыстаансыйа үлэлиир кыамтатын тупсарыы боппуруостарын дьүүллэстилэр.
«Ону таһынан, саахал тахсар кутталын аҕыйатар сыалтан Мындаҕаайыга, Мырылаҕа, Даайа Амматыгар уонна Хахыйах учаастагар туспа дизель ыстаансыйаларын туруоруу боппуруоһа көрүлүннэ. Уот өр кэмҥэ барар түгэнигэр, дьон дьиэтэ-уота, социальнай эбийиэктэр хам тоҥор кутталлара үөскүүр«, — диэн Чурапчытааҕы РЭС салайааччыта Владислав Барашков диэн эттэ.
«Саха сирэ» хаһыат, edersaas.ru
Хаартыска sakha.gov.ru