Бэҕэһээ, тохсунньу 20 күнүгэр, Дьокуускай куорат «Полярная звезда» AZIMUT гостиничнай комплексыгар «Якутия» туристическай-информационнай киин биир офиһыгар «Якутская ярмарка» АУо генеральнай дириэктэрэ Михаил Федоров тутулунна.
Бу анал эпэрээссийэни РФ Куттал суох буолуутун федеральнай сулууспатын Саха сиринээҕи управлениета (УФСБ) өрөспүүбүлүкэ предпринимательствоҕа, атыыга-эргиэҥҥэ уонна туризмҥа миниистирэ Ирина Высоких сайабылыанньатынан уонна быһаччы кыттыытынан ыыппыт.
Федоров Высокихха бэрик биэрээри (суумата ыйыллыбат) тутуллубут.
Бу бэрик миниистиргэ судаарыстыбаннай хантараактары түһэрсиигэ уонна толорууга, ол иһигэр, сылын аайы ыытыллар «Бизнес-Экспо» быыстапканы тэрийиигэ уонна ыытыыга көмөлөһөрүгэр, төһүү буоларыгар анаммыт.
Ону таһынан, Михаил Федоров министиэристибэ бас билиитигэр баар «Центр кластерного развития «Якутия» АУо кэккэ туристическай эбийиэктэрин «Якутская ярмарка» аһаҕас акционернай уопсастыбаҕа биэрэр туһунан быһаарыы ыларыгар эмиэ харчынан манньа биэриэх буолбут.
Итинник этиилэри тутан баран, Ирина Высоких РФ Куттал суох буолуутун федеральнай сулууспатын Саха сиринээҕи управлениетыгар сайабылыанньа киллэрбит.
Онон, анал эпэрээссийэ ыытыллан, Федоров Высокихха бэриги биэрэр кэмигэр оперативниктар туппуттар.
Биһиги корр., «Саха сирэ» хаһыат, edersaas.ru
Хаартыска: интэриниэттэн.