Сүрүн Тырааныспар Уопсастыба

«Якутоптторг» ыыра кэҥиир

Соторутааҕыта Абый улууһугар атыы-логистическай киинэ аһыллыбытын  Саха сирин олохтоохторо  үөрэ истибиттэрэ.  Сылын аайа «күөх  рейстэри» көтүтүү сүпсүлгэнэ, айдаана  аҕыйыаҕа диэн  тойоннообуттара.  Бу үлэни  «Якутоптторг» АУо үүннүүр-тэһиинниир.

Бу күннэргэ тустаах тэрилтэ  Усуйаана улууһун Уус Куйга бөһүөлэгэр оруобуна итинник хабааннаах киин аанын тэлэччи арыйда.  Бу киин Дьааҥы эҥээрдээҕи улуустары удамыр сыаналаах  бородууктанан, табаарынан хааччыйыаҕа.  Мантан 14 нэһилиэккэ тыын суолталаах таһаҕаһы тиэрдиэхтэрэ. Киин Нижнеянскай — Уус Куйга хайысханан бородууктаны тиэйэр суудунаны ылан, салгыы үлэлэтиэҕэ. Кэлэр сылга хотугу улуустарга 4 маннык хабааннаах киин аһыллара күүтүллэр.

 

1
0
Telegram @edersaas20