Ойуур баһаардарынан сибээстээн, социальнай ситимнэринэн дьону мобилизациялыыр туһунан биллэриилэр тарҕаналлар.
«Якутлесресурс » ГАУ уопсастыбанньыктарга уонна нэһилиэнньэҕэ көмөлөрүн иһин махталын биллэрэр уонна гражданнары мобилизациялааһын бэрээдэгин туһунан иһитиннэрэр.
Ол курдук, эппиэттээх уорганнарга биллэрбэккэ, сэрэппэккэ эрэ уоту умулларыыга үлэлии барар көҥүллэммэт. Онон, бастатан туран, туһааннаах уорганнарга биллэриллиэхтээх. Баһаары үлэҕэ барар дьон хайаан да докумуоннарын, ол иһигэр пааспары, снилс, инн, баан реквизиттарын олохтоох дьаһалтаҕа биитэр «Якутлесресурс» филиалыгар аҕалыахтаахтар. Ол кэннэ анал инструктаж уонна баһаары умулларыы бөлөҕүн салайааччытыттан сорудах ылан баран биирдэ, үлэҕэ киириллэр диэн «Якутлесресурс» ГАУ иһитиннэрдэ.
edersaas.ru