“Якутлесресурс” судаарыстыбаннай автономнай тэрилтэ үлэтин сүрүн көрүҥүнэн Саха сиригэр ойууру баһаартан харыстааһын дьаһалларын толоруу буолар. Тэрилтэ баһаартан ойууру харыстааһыны хааччыйар уонна ойууру харыстыыр, саҥардан үлэлэри ыытар.
Билигин тэрилтэ састаабыгар өрөспүүбүлүкэ 21 оройуонун 22 уонна Дьокуускай куорат биир салаалара киирэллэр. Барыта 631 бастайааннай үлэһиттээх.
“Якутлесресурс” өрөспүүбүлүкэ сиригэр-уотугар ойууру харыстыырга, саҥардарга судаарыстыбаннай сорудах чэрчитинэн үлэлиир ойуур баһаарын анал тэрилтэтинэн буолар.
Өрөспүүбүлүкэҕэ ойуур баһаарын 43 ыстаансыйата баар. Тэрилтэ өрөспүүбүлүкэ 21 оройуонугар 22 уонна Дьокуускайга биир салаалаах, 631 бастайааннай үлэһиттээх.
2021 – 2022 сылларга баһаар уопсай ахсаана
2021 c.
Бу сылга баһаар турар кутталлаах кэмигэр 1695 ойуур баһаара бэлиэтэннэ уонна кэмигэр умулларылынна (уопсай иэнэ — 8 805 982,30 гаа). “Якутлесресурс” үлэһиттэрэ 416 ойуур баһаарын умулларарга кытыннылар.
2022 с.
2022 сылга баһаар кутталлаах кэмигэр 563 ойуур баһаара бэлиэтэннэ уонна ону умулларыыга үлэ барда.
Баһаар кутталлаах кэмиттэн саҕалаан сир-уот зонатыгар уопсайа 2 376,00 га иэннээх 32 ойуур баһаара бэлиэтэннэ уонна кэмигэр умулларылынна.
2021 сылга 12 765 киһи, 618 тиэхиньикэ, 2022 сылга 8620 киһи, 517 тиэхиньикэ тардылынна.
Ойуур баһаара турбут төрүөттэрэ
2021 сылга:
Биллибэт төрүөтүнэн – 17 баһаар;
Олохтоох нэһилиэнньэ буруйунан – 57;
Этиҥнээх ардахтан – 57;
ЛЭП-тэн 5.
2022 сылга:
Биллибэт төрүөтүнэн – 5;
Олохтоох нэһилиэнньэ буруйунан – 3;
Этиҥнээх ардахтан – 22
ЛЭП-тэн – 2.
х х х
2019-2022 сылларга “Экология” национальнай бырайыак чэрчитинэн ойуур хаһаайыстыбатын наадатыгар “Якутлесресурс” 130 ойуур баһаарын тиэхиньикэтин, 2 ойуур хаһаайыстыбатын тиэхиньикэтин уонна ойуур хаһаайыстыбатын 14 тэрилин атыыласта.
2022 сылга Саха сиригэр хонтуруоллуур сир улааппытынан уонна баһаар уустук балаһыанньатынан, кэккэ боппуруостар турбуттара, чуолаан тиэхиньикэ тиийбэтэ быһаарыллыбыта.
«Саха сирэ»,edersaas.ru анаан “Якутлесресурс” пресс-сулууспатын матырыйаалларынан