2022 сылга баһаар кутталлаах кэмигэр бэлэмнэнии уонна судаарыстыбаннай үлэлэри толорорго судаарыстыбаннай сорудах былааннарыгар олоҕуран, «Якутлесресурс» судаарыстыбаннай автономнай тэрилтэ (ГАУ) өрөспүүбүлүкэ сиригэр-уотугар баһаары утары үлэҕэ бэлэмнэнэр. Наадалаах саппааһы оҥостуу, ол иһигэр оттук-оҕунуох матырыйаалларын, түмүктэннэ.
edersaas.ru
Ойуур баһаарын умулларар үлэни ыытарга муниципальнай тэриллиилэр дьаһалталарын, юридическай уонна физическэй сирэйдэри кытары хардарыта бииргэ үлэлээһиҥҥэ сөбүлэһии түһэрсэргэ үлэ барар.
Ойуур-баһаар ыстаансыйатын хааччыйарга баһаары утары охсуһар тэриллэри, ойуур баһаарын сэрэтэр уонна умулларар атын да тэриллэри атыылаһаллар. Ойуур баһаарыгар туттуллар 256 массыына-тыраахтар тиэхиньикэтэ өрөмүөнү эрэйэр. Онтон 19-һа улахан өрөмүөҥҥэ наадыйар.
Тэрилтэлэр салаалара киллэрбит сайаапкаларынан төһө саппаас чаас ирдэнэрэ быһаарылынна. Билигин бэлэмнэнии үлэлэрин ыытарга, саппаас чаастары атыылаһарга 7 723 963,86 солк. үп бэрилиннэ (итинтэн
6 500 225,41 — саппаас чаастарын аҕаларга). Ону таһынан атыылаһыы уопсай былааныгар тустаах иһитиннэриини киллэрэр уонна куонкурус докумуоннарын бэлэмниир үлэлэр ыытыллаллар. Хомойуох иһин, саппаас чаастарын аҕаларга бу сыл олунньу 15 күнүгэр тарҕатыллыбыт 5 аукционтан биирэ эрэ түмүк түһүмэххэ сылдьар.
ТЕХГАЗСНАБ ХЭУо-ны кытары 822 595,05 солкуобай суумаҕа вездеходнай тиэхиньикэни уонна Т.М.Табаринцев ИП кытары
401 143,40 солкуобай суумаҕа легковой тырааныспары аҕаларга дуогабардар түһэрсилиннилэр. 1 700 тыһыынча солкуобайга саппаас чаастарын аҕаларга эбии быһа дуогабардар оҥоһулуннулар. Онон, баһаар кутталлаах кэмигэр диэри тиэхиньикэ 100 % бэлэм буолуо.
Үс аукцион сайаапката киирбэккэ, ыытыллыбатаҕынан ааҕылынна. Оттон биир аукциоҥҥа тиэрдээччи хантараагы толорортон аккаастанна. Ол төрүөтэ – собуоттарга саппаас чаастар сыаналара 10-80% үрдээһинэ.
СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ судаарыстыбаннай сорудаҕы бигэртэтэр туһунан 2021 сыл ахсынньы 14 күнүнээҕи бирикээһинэн, «Якутлесресурс» тэрилтэҕэ маннык үлэлэр былааннаннылар:
– Баһаартан ойууру харыстыырга аналлаах ойуур туһаныллар суолларын оҥоруу – 208,0 км.;
– баһаартан ойууру харыстыырга аналлаах ойуур суолларын саҥардыы – 9,0 км.;
– баһаары утарсар минерализованнай балаһалары оҥоруу – 223,0 км.;
– баһаары утарсар минерализованнай балаһалары ыраастааһын – 995,0 км.;
– баһаар быһа барыытын утарсар солооһуннары оҥоруу – 237,0 км.;
– баһаар быһа барыытын утарсар солооһуннары ыраастааһын – 228,0 км.;
– баһаары сэрэтэргэ кураанах оту хонтуруоллаан өртөөһүн –
6 661,0 га.;
– баһаары умулларарга уулаах
– сирдэри уонна киирэр сирдэри оҥоруу – 24 ед.;
– баһаары умулларарга уулаах
– сирдэри уонна киирэр сирдэри туһаныы – 24 ед.;
– ойуурга кэлэр дьон сынньанар сирдэрин тупсарыы – 227 устуука;
– ойуурга баһаар куттал суох буолуутун дьаһалларын туһунан иһитиннэриилээх истиэндэлэри оҥоруу уонна туруоруу – 563 устуука;
– баһаартан куттал суох буоларын хааччыйар туһугар дьон сылдьарын хааччыйар шлагбаумнары, харгыстары оҥоруу уонна туруоруу – 74 устуука;
– сиринэн патрулированиены тэрийии – 4 586,0 км.;
– лесопатологическай чинчийии – 10 000,0 га.;
– айылҕа бэйэтэ чөлүгэр түһэригэр көмөлөһүү – 7 746,30 га.;
– тыаны кэрдиини быһаарыы – 92,4 га.;
– туһаныллыбат маһы хомуйуу – 100,0 га.;
– санитарнай соруктаах кэрдиини оҥоруу – 101,0 га.;
– кэлимсэ санитарнай кэрдиилэр – 85,0 га.;
– эрэгийиэннээҕи хаһыаттарга тахсыы – 23 балаһа;
– араадьыйаҕа аудио-видеороликтар – 280 мүн.;
– аудио-видео роликтары оҥоруу уонна быракаат – 6 устуука.
* * *
«Якутлесресурс» судаарыстыбаннай тэрилтэ ойуур баһаарын ыстаансыйаларыгар (ЛПС) ойуур баһаарынньыктарын тыырда уонна ойуур баһаарынньыктарын штатыгар дьону салгыы ылар.
Билигин тэрилтэлэр салааларыгар 371 киһиттэн 305-һэ үлэҕэ ылылынна. 66 исписэлииһи талан ыларга үлэ ыытыллар. Ол иһигэр:
– Мииринэйдээҕи салааҕа, Мииринэй куоракка – 9;
– Ленскэйдээҕи салааҕа, Ленскэй куоракка – 7;
– Өлүөхүмэтээҕи салааҕа, Өлүөхүмэ куоракка – 6;
– Томпотооҕу салааҕа, Хаандыга бөһүөлэгэр – 5;
– Уус Маайа салаатыгар, Уус Маайа сэлиэнньэтигэр – 6;
– Нерюнгритааҕы салааҕа, Нерюнгри куоракка – 5;
– Дьокуускайдааҕы салааҕа, Дьокуускай куоракка – 4;
– Алданнааҕы салааҕа, Томмот бөһүөлэгэр – 3;
– Амматааҕы салааҕа, Болугур сэлиэнньэтигэр – 2;
– Горнайдааҕы салааҕа, Бэрдьигэстээх сэлиэнньэтигэр – 3;
– Ньурбатааҕы салааҕа, Ньурба куоракка – 3;
– Уус Алданнааҕы салааҕа, Бороҕон сэлиэнньэтигэр – 2;
– Бүлүүтээҕи салааҕа, Бүлүү куоракка – 2;
– Горнайдааҕы салааҕа, Маҕарас сэлиэнньэтигэр – 2;
– Нерюнгритааҕы салааҕа, Чульман бөһүөлэгэр – 2;
– Алданнааҕы салааҕа, Хатыстыыр сэлиэнньэтигэр – 1;
– Индигиирдээҕи салааҕа, Уус Ньара бөһүөлэгэр – 1;
– Кэбээйитээҕи салааҕа, Сангаар бөһүөлэгэр – 1;
– Кэбээйитээҕи салааҕа, Эдьигээн бөһүөлэгэр – 1;
– Дьокуускайдааҕы салааҕа, Баатаҕай бөһүөлэгэр – 1.
* * *
Бигэргэтиллибит графигынан, 2022 сыл муус устар 28 күнүгэр диэри тэрилтэ 482 үлэһити «Ойуур улахан баһаардарын умулларыыны салайыы», «Ойуур баһаардарын умулларыыны салайыы» уонна «Ойуур баһаарынньыга» үөрэхтэргэ ыраахтан дьарыктыыр.
«Саха сирэ», edersaas.ru сайтка анаан «Якутлесресурс» ГАУ пресс-сулууспата