«Якутия» ледокол биир бастыҥ улахан суудуна буолар чинчилээх
Арассыыйа аатамнай бырамыысыланнаһын 75 сылын көрсө «Якутия» аатамнай ледокол тутааччыта Максим Алексеенко тутуу хаамыытын иһитиннэрдэ.
edersaas.ru
«Билиҥҥи туругунан 05709 үлэҕим кыраапык быһыытынан этэҥҥэ баран иһэр. Суудуна турбаларын, сиэксийэлэрин оҥоруу, стапельга куорпуһун тутуу үлэтэ бара турар. Ледокол энергетикатын систиэмэтин туруора уонна атомнай реактортан харыстыыр баактары оҥоро сылдьабыт. Итиэннэ ледокол ис бараанын монтажтааһын, туруоруу үлэтин саҕалаатыбыт. COVID-19 Санкт-Петербург куоракка уустук балаһыанньаны үөскэтэн, Балтийскай собуокка ыксаллаах миэрэлэри ылан, тутуу кыраапыгыттан кыратык хаалан иһэбит. Ол да буоллар, болдьообут кэммитигэр силигин ситэриэхпит диэн эрэнэбит».
Санатар буоллахха, саҥа аатамнай ледоколу ыам ыйын саҥата тутан саҕалаабыттара. Росатомфлот тутар суудуналарыгар Хотугу муора суолунан сытар география эбийиэктэрин аатын иҥэрэр үтүө үгэстээх.
«Якутия» 22220 бырайыак үһүс ледокола буолар. Тэрилтэ аатамнай ледоколлара Аан дойдуга биир саамай улахан, күүстээх суудуналар ааттарын ылыан ылаллар.
Ледокол 173,3 миэтирэ уһуннаах, 34 миэтирэ кэтиттээх, 33,5 тыһыынча туонна уйуктаах.
Ирина Ханды, “Саха сирэ” хаһыат, edersaas.ru
Хаартыска: бырабыыталыстыба пресс-сулууспатыттан