Neftegaz.RU информационнай ааҕыныстыба суруйарынан, Суудуналары тутар корпорация холбоһугар (ОСК) киирэр Балтийскайдааҕы собуот ыам ыйын 26 күнүгэр 22220 бырайыагынан атомнай ледокол тутуутун саҕалаата.
edersaas.ru
“Арктика” тииптээх ледокол “Якутия” диэн ааттаныахтаах. Сакаасчыт Росатом хампаанньа “оҕото” — Атомфлот.
22220 бырайыагынан тутуллар баарахай улахан устар аал аан дойдуга саамай улаханынан уонна күүстээҕинэн буолуохтаах. Бу аал арктическай тыйыс усулуобуйаҕа 3 миэтэрэ кэтиттээх мууһу хайытан барар кыахтаах.
Суудуна 173,3 миэтэрэ уһуннаах, 34 миэтэрэ кэтиттээх, 40 сыл устата сулууспалыыр кыахтаах.
Арассыыйа Федерациятын биир улахан эрэгийиэнин – Саха сирин аатынан атомнай ледокол аан бастакытынан ааттанар. Бу иннинэ олохтоох ледоколлар Сэбиэскэй сойуус, Арассыыйа итиэннэ Арктика, Урал, Сибиир, Ямал аатынан ааттаммыттара. Маны таһынан атомоходтар судаарыстыбаннай диэйэтэллэр ааттарын сүгэллэрэ. Холобур, «Ленин», «Леонид Брежнев».
edersaas.ru