2017 сыл ыам ыйын 9 күнүгэр “Якутия” хаһыат бирииһигэр сүүрүүгэ эстэпиэтэтэ 74-с төгүлүн ыытыллар. Үгэс быһыытынан, старт күнүс 13-00 чаастан Ленин болуоссатыттан бэриллиэ.
Роман Попов, «Саха сирэ» хаһыат, edersaas.ru
Куоталаһыыга 14-түү киһилээх (8 эр киһи, 6 дьахтар) хамаандалар кытталлар. Кинилэр маннык бөлөхтөргө наарданан сырсыахтара:
1-кы бөлөх – орто уопсай үөрэхтээһин тэрилтэлэрэ (800-тэн элбэх үөрэнээччилээхтэр);
2-с бөлөх — орто уопсай үөрэхтээһин тэрилтэлэрэ (800-тэн аҕыйах үөрэнээччилээхтэр);
3-с бөлөх – сүрүн уопсай үөрэхтээһин тэрилтэлэрэ;
4-с бөлөх – анал орто үөрэх тэрилтэлэрин сүүмэрдэммит хамаандалара (устудьуоннар эрэ кытталлар);
5-с бөлөх – “Дьокуускай куорат” куораттааҕы уокурукка баар силовой структуралар;
6-с бөлөх — “Дьокуускай куорат” КУо уонна куорат таһынааҕы нэһилиэнньэлээх пууннар үлэ тэрилтэлэрин сүүмэрдэммит хамаандалара.
7-с бөлөх – үрдүк үөрэх кыһалара: ДьГТХА, Дьокуускайдааҕы педколледж, ХИФУ: спорт института бэйэтин устудьуоннарыттан икки хамаанданы туруорар, институттар, факульеттар, Дьокуускайга баар үрдүк үөрэх кыһалара 10 хамаанданы туруораллар.
14 түһүмэхтээх эстэпиэтэҕэ икки сүүрүү буолар:
Бастакы сүүрүүгэ орто уопсай үөрэхтээһин тэрилтэлэрэ, оттон иккискэ атын хамаандалар сырсыахтара.
Эстэпиэтэ түһүмэхтэрэ:
1-кы түһүмэх – 1100 м, эр дьон. Ленин болуоссатын киин түрүбүүнэтиттэн 4 №-дээх ас-үөл маҕаһыыныгар диэри;
2-с түһүмэх – 400 м, дьахталлар. 4 №-дээх ас-үөл маҕаһыыныттан “Динамо” саалаҕа диэри;
3-с түһүмэх – 700 м, эр дьон. «Динамо» саалаттан Лермонтов уулуссатыгар диэри;
4-с түһүмэх – 300 м, дьахталлар (утары кэлии). Лермонтов уулуссатыттан 9 №-дээх оскуолаҕа диэри;
5-с түһүмэх – 400 м, эр дьон. 9 №-дээх оскуолаттан “Динамо” саалаҕа диэри;
6-с түһүмэх – 950 м, эр дьон. «Динамо» саалаттан «Центральнай» киинэ тыйаатырыгар диэри;
7-с түһүмэх – 550 м, дьахталлар. «Центральнай» киинэ тыйаатырыттан Ленин болуоссатын киин түрүбүүнэтигэр диэри;
8-с түһүмэх – 800 м, эр дьон. Ленин болуоссатын киин түрүбүүнэтиттэн С. Омоллоон аатынан Опера уонна балет тыйаатырыгар диэри;
9-с түһүмэх – 550 м, эр дьон. Опера уонна балет тыйаатырыттан ХИФУ мединститутугар (Кулаковскай уулуссата) диэри;
10-с түһүмэх – 350 м, дьахталлар. ХИФУ мединститутуттан ХИФУ кылаабынай куорпуһугар диэри;
11-с түһүмэх – 500 м, эр дьон (утары кэлии). ХИФУ кылаабынай куорпуһуттан «Якутагропромпроект» институтугар диэри (Кулаковскай уулуссатын, 28);
12-с түһүмэх – 400 м, дьахталлар. «Якутагропромпроект» институтуттан Опера уонна балет тыйаатырыгар диэри;
13-с түһүмэх – 600 м, эр дьон. Опера уонна балет тыйаатырыттан 1 №-дээх оскуолаҕа диэри;
14-с түһүмэх – 200 м, дьахталлар. 1 №-дээх оскуолаттан Ленин болуоссатын киин түрүбүүнэтигэр диэри.
Эстэпиэтэ дистанциятын уһуна — 7 км 800 м.
Бөлөхтөрүгэр бастаабыттар уонна миэстэлэспиттэр “Якутия” хаһыат редакциятын анал кубоктарынан, дипломнарынан, сертификаттарынан, “Дьокуускай куорат” КУо спорка управлениетын дипломнарынан, вымпелларынан, сертификаттарынан наҕараадаланыахтара.
Сүүрүү бастакы түһүмэхтэригэр 1100 м дистанцияҕа бастаабыттар “Якутия” хаһыат харчынан бириистэринэн биһирэниэхтэрэ.
Судьуйалар коллегияларын мунньаҕа ыам ыйын 5 күнүгэр күнүс 15-30 чаастан Дьокуускай куорат спорка управлениетыгар буолар (1 №-дээх оҕо спортивнай оскуолатын дьиэтэ, Дзержинскай уулуссатын, 5).
Сиһилии 34 -10-05 төлөпүөнүнэн билсиэххитин сөп.
Роман Попов, «Саха сирэ» хаһыат, edersaas.ru