Дьокуускай аэропуордугар ханнык сөмөлүөтү алҕаатылар?
Бүгүн, ахсынньы 10 күнүгэр, Былатыан Ойуунускай аатынан “Дьокуускай” аэропуордугар Саха норуотун национальнай дьоруойун Манчаары Баһылай аатын сүгэр Sukhoi Superjet -100 диэн “Якутия” авиахмапаанньа” сөмөлүөтүн алҕаатылар.
2019 сыл атырдьах ыйын 30 күнүгэр МАКС-2019 норуоттар икки ардыларынааҕы авиакосмическай солуон чэрчитинэн Судаарыстыбаннай тырааныспар лизинговай хампаанньата уонна “Якутия” авиахампаанньа 10 сылга болдьохтоох Sukhoi Superjet -100 суудунаны наймылаһыыга дуогабар түһэрсибиттэрэ.
Сөмөлүөтү алҕааһын сиэригэр-туомугар “Якутия” авиахамааанньа үлэһиттэрэ уонна Мэҥэ Хаҥалас улууһун дьаһалтатын дэлэгээссийэтэ кытыннылар.
“Якутия” авиахампаанньа генеральнай дириэктэрин производствоҕа солбуйааччы Владислав Станиславович маннык бэлиэтээтэ: “Сөмөлүөт сиэркилэ курдук ливреянан кырааскаланна уонна иккис сылын Саха национальнай дьоруойун Манчаары Баһылай аатын чиэстээхтик сүгэр. 2020 сылга Манчаары Баһылай төрөөбүтэ 215 сыла туолла уонна кини аатын пассажирдары таһар сөмөлүөккэ иҥэрии номоххо киирбит дьоруой аатын үйэтитиигэ уонна ыччаты дойдуну таптааһыҥҥа иитиигэ, Саха Өрөспүүбүлүкэтин национальнай брендин сайыннарыыга дьоһун кылаатынан буолуоҕа”.
Алгыс сиэрин-туомун кэнниттэн Владислав Станиславович уонна Мэҥэ Хаҥалас оройуонун баһылыга Николай Старостин социальнай-экэнэмиичэскэй өттүнэн бииргэ үлэлээһиҥҥэ илии баттастылар. Сөбүлэһии сүрүн сыалынан Мэҥэ Хаҥалас улууһун олоҕун-дьаһаҕын уонна экэниэмикэтин сайыннарыыга уонна “Якутия” авиахампаанньа үлэтин көдьүүстээх оҥорууга бииргэ үлэлээһин буолар.
Бэлэмнээтэ Женни Стрюкова
Хаартыска: тустаах саайтан