«Якутия 24» ханаал быһа эфиргэ Илиҥҥи экэнэмиичэскэй форуму көрдөрүөҕэ

Ил Дархан Айсен Николаев уонна өрөспүүбүлүкэ салалтатын бэрэстэбиитэллэрэ V Илиҥҥи экэнэмиичэскэй форумҥа кыттыахтара. Форум Владивостокка балаҕан ыйын 4-6 күннэригэр ыытыллыаҕа.

Дьыалабыай бырагыраама чэрчитинэн балаҕан ыйын 4 күнүгэр буолар «Үрдүкү технологияны туһанар бизнес: түргэнник тахсарга туох нааданый?» диэн сиэксийэҕэ Айсен Николаев кыттыаҕа. Манна экэниэмикэни тупсарыыга саҥа ньыма туһунан кэпсэтиэхтэрэ. Быһа эфир Саха сирин бириэмэтинэн 9.00 чааска саҕаланыаҕа.

«Технологическай урбаан – экэниэмикэ сайдыытын сүрүн тосхоло, онон сайыннарыыга усулуобуйа тэрийии судаарыстыба сүрүн соруга буолуохтаах», — диэн докумуоҥҥа этиллэр.

Балаҕан ыйын 5 күнүгэр Ил Дархан үс сиэксийэҕэ кыттыаҕа — «Уһук Илин уонна Арктика сайдыытын төрүтэ: билиҥҥи туруга уонна сайдыытын тосхоло» уонна «Цифровой судаарыстыба: бүттүүн цифровизация кэмигэр саҥа бизнес көрүҥнэрэ». «Якутия 24» ханаалга трансляция Саха сирин бириэмэтинэн 8.30 уонна 10.30 чааска саҕаланыаҕа.

Ону кытта, Айсен Николаев «Инникигэ хардыы: sine qua non цифровой трансформацияҕа быраап өттүнэн эксперименнэр» сиэксийэҕэ кыттыаҕа. Саха сирин бириэмэтинэн 12.45 чааска көрүҥ.

Санатан эттэххэ, быйылгы форумҥа 8,2 тыһыынча ыалдьыт тиийиэҕэ. Форумҥа өрөспүүбүлүкэ «Саха сиригэр оҥоһуллубут» быыстапканы тэнитиэҕэ.

#саха_нких_сонуннара