Тыа хаһаайыстыбата Уопсастыба

Ыһыы үлэтигэр — болҕомтону

Кулун тутар 13 күнүгэр ыытыллыбыт РФ Бырабыыталыстыбатын уочараттаах мунньаҕар кэккэ боппуруостары дьүүллэстилэр. Олортон биирдэстэрэ – 2021 сылга тыа хаһаайыстыбатыгар сааскы хонуу үлэлэрин ыытыы.

Арассыыйа тыа хаһаайыстыбатын миниистирэ Д.Н.Патрушев иһитиннэрбитинэн, 2021 сылга ыһыы иэнэ 80,5 мөл гектарга тэҥнэһиэҕэ. Бу 2020 сыллааҕар 0,9 мөл гектарынан улахан. Быйылгы сааскы ыһыы үлэтигэр сыһыаннаах иһитиннэрии кэнниттэн РФ Бырабыыталыстыбата Арассыыйа Монополияны утары федеральнай сулууспата Арассыыйа Бырамыысыланнай эргиэн министиэристибэтин, Минэнергоны уонна Тыа хаһаайыстыбатын министиэристибэтин кытта ситэриилээх былаас уорганнарыныын тыа хаһаайыстыбатын табаары оҥорооччуларыгар тиэрдиллэр, бэриллэр минеральнай уоҕурдуу уонна ньиэп бородууктатын сыанатын кэтээн көрүүнү ыыталларыгар сорудахтанна.

Ону сэргэ РФ субъектарын ситэриилээх былааһын уорганнарыгар сааскы ыһыы үлэтин тэрийиигэ болҕомтону ууран, үбүнэн, сиэмэнэн, уматыгынан уонна минеральнай уоҕурдуунан хааччыйыыга ураты болҕомтону уураллара ирдэннэ. Тыа хаһаайыстыбатын табаары оҥорооччулара страховкаланалларыгар сүбэлээтилэр.

РФ Бырабыыталыстыбатын саайтыттан

Хаартыска: тустаах саайтан

Бэлэмнээтэ Женни Стрюкова.

 

0
0
Telegram @edersaas20

Добавить комментарий