2020 сыллааҕы Өрөспүүбүлүкэтээҕи онлайн-ыһыах чэрчитинэн ыытыллар күрэхтэргэ кыттыыга сайаапкалары ылыы түмүктэнэрэ чугаһаата.
edersaas.ru
Ыһыах тэрийээччилэрэ этэллэринэн, күрэхтэргэ кыттыан баҕалаахтар ахсааннара күн аайы элбээн иһэр. Ыһыах тэрээһинигэр кыттыан баҕалаах биирдиилээн дьонтон уонна кэлэктииптэртэн 1030 сайаапка киирбит
Ол курдук, ордук биһирэммит, элбэх киһи болҕомтотун таппыт күрэҕинэн «Симэх» прикладной искусство киинин тэрийбит национальнай көстүүмнэрдээх онлайн-хаамыы буолла, онно 250 сахалыы таҥаһы сөбүлээччилэр бэйэлэрин хаартыскаларын ыыппыттар.
«Симэх» киин итини таһынан чороон, саха иһитин, сылгы симэҕин, киэргэл хаартыскатын күрэҕин тэрийбиттэр.
200-тэн тахса сайаапканы Саха сирин норуоттарын муусукатын уонна фольклорун мусуойа биллэрбит «Ыһыах ырыалара» ырыа күрэҕэр кэллэ.
Өрөспүүбүлүкэтээҕи Норуот айымньытын дьиэтэ саха таҥаһын көрүүтүн уонна үҥкүү кэлэктииптэрин күрэҕин ыытыа. Хомус мусуойа дьиэ кэргэн хомусчуттар икки ардыларыгар күрэхтэһии ыытарга бэлэмнэнэр. “Дружба” архитектурнай заповедник-мусуой «Айыы Дьөһөгөй» диэн ааттаах ыһыах тиэмэтигэр сыһыаннаах онлайн-күрэх ыытыаҕа.
Онлайн-күрэхтэһии быраабылаларын, усулуобуйаларый ситимҥэ баар сирэйдэргэ көрүөххэ сөп:
Сахалыы симэхтээх онлайн-хаамыы: https://www.instagram.com/p/CA1yg8WJaAn/?igshid=122qva2nk1ma6
«Кыл киэргэлэ, сиэл симэҕэ» — куйаар ситиминэн кыл, сиэл оҥоһуктарга күрэх: https://www.instagram.com/p/CBMqDKeptXY/?igshid=dkz4zc994s49
«Туос иһит – мин төрүт иһитим»: https://www.instagram.com/p/CBMqzt3p7Rl/?igshid=1w9muin0xogox
«Ыһыах ырыалара» күрэх: https://www.instagram.com/p/CAnAPPMJmYn/?igshid=tznm47h885m0
Кыайыы 75 сылыгар анаммыт дьиэ кэргэн күрэҕэ “Хомус – дьиэ кэргэн биһигэ”: https://rus.ilkhomus.com/?p=7068
«Айыы Дьөһөгөй», ыһыахха анаммыт онлайн-күрэх: https://www.instagram.com/p/CBLiLG5JMDm/?igshid=osyiqszicfxx
«Ытык ыhыах үнкүүлэрэ»: https://www.instagram.com/p/CBUcLAYpl_7/?igshid=1p1mdxg5hyn8n
«Ыhыаҕым талба таҥаhа — 2020»: https://www.instagram.com/p/CBUdKsipIfP/?igshid=6ec0hz37kvqu
Кыайыы 75 сылыгар анаммыт өрөспүүбүлүкэтээҕи былыргы уонна эриэккэс чорооннор быыстапкалара «Кыайыы Чорооно»: http://simekh-sakha.com/choroon-pobedy/
Егор Карпов, «Саха сирэ» хаһыат, edersaas.ru