Ыһыах куйаар ситиминэн ыытыллар күрэһигэр тыһыынчаттан тахса киһи кыттыа

Ааптар: 
Бөлөххө киир:

Коронавирус дьаҥа туран, быйылгы ыһыах куйаар ситиминэн ыыталлар буолбутун туһунан иһитиннэрэн турабыт. Онлайнынан ыытыллар күөн күрэстэргэ, тыһыынчаттан тахса киһи кыттар баҕалааҕын биллэрбит. 

Ыһыах куйаар ситиминэн ыытыллар күөн күрэстэригэр сайаапкалары ылыы түмүктэнэн эрэрин туһунан СИА иһитиннэрэр.

Тэрийээччилэр бэлиэтээбиттэринэн, күрэстэргэ кыттыан баҕалаахтар ахсааннара күннэтэ элбээн иһэр. Бырагырааманан биллэриллибит күрэстэргэ 1030 сайаапка киирбит. Манна сорох күрэстэргэ кэлэктиибинэн кытталлар.

Сайаапка киириитинэн көрдөххө, «Симэх» норуот ускуустубатын киинэ тэрийэр национальнай көстүүмнэргэ куйаар ситиминэн ыытыллар онлайн-хаамыыга дьон-сэргэ ордук турунан кыттарга быһаарыммыт. Манна өрөспүүбүлүкэ олохтоохторуттан 250 хаартыска киирбит.

Маны сэргэ, Саха сирин норуоттарын музыкаҕа уонна фольклорга музейа биллэрбит «Ыһыах ырыалара» онлайн-күрэһигэр биир итиччэ киһи кыттар баҕалааҕын биллэрбит.

«Симэх» норуот ускуустубатын киинэ тэрийбит чорооҥҥо, ат симэҕэр, симэххэ, өбүгэ иһитигэр-хомуоһугар биллэрбит хаартысканан куонкуруһа эмиэ улахан сэҥээриини ылбыт.

Ыһыахха анаан өрөспүүбүлүкэтээҕи норуот айымньытын дьиэтэ өбүгэ таҥаһыгар-сабыгар, үҥкүү ансаамбылларыгар,  Аан дойду норуоттарын хомуһун музейа дьиэ кэргэнинэн хомустуурга, Өлүөнэтээҕи «Доҕордоһуу» история-архитектура музей комплекса «Айыы Дьөһөгөй»  онлайн-куонкурустара болҕомтону тардыбыттар.

Күөн күрэстэр балаһыанньаларын социальнай ситимнэргэ ссылкаларынан, тэрийээччилэр саайтарынан киирэн көрүөххэ сөп:

Национальнай көстүүмүнэн онлайн-хаамыы: https://www.instagram.com/p/CA1yg8WJaAn/?igshid=122qva2nk1ma6

«Кыл киэргэлэ, сиэл симэҕэ» — куйаар ситиминэн кыл, сиэл оҥоһуктарга күрэс: https://www.instagram.com/p/CBMqDKeptXY/?igshid=dkz4zc994s49

«Туос иһит – мин төрүт иһитим» — сахалыы иһиккэ-хомуска, туос иһиккэ күөн күрэс: https://www.instagram.com/p/CBMqzt3p7Rl/?igshid=1w9muin0xogox

«Ыһыах ырыалара» күөн күрэс: https://www.instagram.com/p/CAnAPPMJmYn/?igshid=tznm47h885m0

Улуу Кыайыы 75 сылыгар анаммыт дьиэ кэргэн ансаамбылынан  “Хомус – дьиэ кэргэн биһигэ” диэн өрөспүүбүлүкэтээҕи күрэс: https://rus.ilkhomus.com/?p=7068

«Айыы Дьөһөгөй» куйаар ситиминэн күрэс: https://www.instagram.com/p/CBLiLG5JMDm/?igshid=osyiqszicfxx

СӨ култууратын үтүөлээх үлэһитигэр, бырайыак ааптарыгар Станислав Филиппович Катаков аатыгар үҥкүү ансаамбылларыгар өрөспүүбүлүкэтээҕи дистанционнай күрэс («Танцы солнечной Туймаады» — «Ытык ыhыах үнкүүлэрэ»): https://www.instagram.com/p/CBUcLAYpl_7/?igshid=1p1mdxg5hyn8n

Өрөспүүбүлүкэтээҕи аһаҕас дистанционнай куонкурус «Ыhыаҕым талба танаhа — 2020»: https://www.instagram.com/p/CBUdKsipIfP/?igshid=6ec0hz37kvqu

Улуу Кыайыы 75 сылыгар аналлаах «Кыайыы чорооно» өрөспүүбүлүкэтээҕи онлайн-быыстапка:

Чороон Победы

Хаартыска: СИА

+1
0
+1
0
+1
0
+1
0
+1
0
+1
0
+1
0