“Ыһыах” хаһан суруллубута өссө чуолкайданна
Олох-дьаһах

“Ыһыах” хаһан суруллубута өссө чуолкайданна

Хайа баҕарар матырыйаал салҕаныылаах буоллаҕына, ол аата ааҕааччы болҕомтотун тардыбыт диэххэ сөп. Ол үчүгэй.

Ити ырыаны мин парткомнуу сырыттахпына, 1977 сыллаахха, Төхтүргэ Алдан оройуонун дэлэгээссийэтэ кэлбитигэр, Настаа оччолорго сопхуоска комскомнуу сылдьан, суруйан, аан бастаан толорбута.

Ыһыах буолуон иннинээҕи күн партком кабинетыгар киирэн кэлбитэ, уонна, ырыа суруйдум диэбитэ. Ыллаан иһитиннэр диэбиппэр, иһитиннэрбитэ.

Миэхэ, ырыаны сатаан сыаналаабат киһиэхэ, бэрт үчүгэйдик иһиллибитэ, онон тута: “Үчүгэй ырыа эбит”, —  диэбитим. “Ыллыыбын дуо?” диэбитигэр, “ыллаа” диэтэҕим дии. Дьэ онтон ыла ити ырыа кынаттанан көппүтэ — 1977 сыл, бэс ыйын 21 күнэ, Төхтүр ыһыахтыыр сирэ, Суола үрэх биэрэгэ”.

Бу суругу Владимир Кузьмиҥҥа  юстиция генерал-майора Иван Иннокентьевич Корякин ыыппыт.

“…Баатаралар убайбыт, баатаралар төрүччүлэрин суруйбут киһибит. Оскуола дириэктэринэн, сопхуос парткомунан, райком отделын сэбиэдиссэйинэн үлэлээбитэ, дойдутугар Мэҥэҕэ. Онтон Судебнай департамент салайааччытынан куоракка үлэлээн, бочуоттаах сынньалаҥҥа тахсыбыта. Баатаралар биир Ытык-мааны киһибит буолар. Ити 1977 сыллаахха мин устудьуон —«Сэргэлээх уоттара» ВИА солиһа этим”, – диэн суруйар миэхэ СӨ култууратын үтүөлээх үлэһитэ, мусукаан, ырыаһыт Владимир Кузьмин.

Онон, уопсай күүһүнэн быһаардыбыт: уостан түспэт, дьон сөбүлээн истэр, сөбүлээн  ыллыыр “Ыһыах” ырыатын (Макар Хара тылларыгар) саха тапталлаах мелодиһа, ырыаһыта Анастасия Варламова — Эдьиий Настаа 1977 сыллаахха суруйбут уонна бэс ыйын 21 күнүгэр, Төхтүр ыһыахтыыр сиригэр, Суола үрэх кытылыгар аан маҥнай толорбут. Ол аата, ырыа оруобуна бүгүн 43 сааһын туолбут!

Татьяна МАРКОВА. 

 

 

5
1

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

20 − тринадцать =