Ыһыах сүрүн кистэлэҥэ: Туймаада хочотун Кэрэ Куота ким буолуой?
«Туймаада Куо» — Кэрэ Куо уонна талаан көрдөрүүтүн сүрүн национальнай күрэһэ Туймаада Ыһыах чэрчитинэн ыытыллар.
Күрэс сыала-соруга – эдэр көлүөнэҕэ Кэрэ Куо кыргыттары билиһиннэрэр, талааннаах, бастыҥ кыттааччылары булан ылыы уонна өйөөһүн, ону таһынан Саха Өрөспүүбүлүкэтин култуурунай сыаннастарын киэҥ эйгэҕэ тарҕатыы буолар. Күрэскэ 18-тан 25-гэр диэри саастаах кыргыттар кытталлар. Бу туһунан «Туймаада Куо» ВКонтакте официальнай страницата иһитиннэрэр. Саха сирин саамай чаҕылхай, нарын-намчы уонна талааннаах кыргыттара «Туймаада Куо» бочуоттаах аатын иһин киирсээри биир сыанаҕа мустуохтара!
Санаттахха, Саха сиригэр аан бастакытын Кэрэ куолар куонкурустара 90-с сыллар саҥаларыгар ыытыллар буолбута. Уһун көнө уҥуохтаах, хара суһуохтаах кэрэ кыргыттар оччотооҕу хаһыаттар, сурунааллар сирэйдэрин киэргэппиттэрэ.
«Туймаада Куо — 2025» — сүрүн национальнай күрэс кыттааччылара:
САЙААНА ХАБАРОВА. Сааһа: 20. «Мин күрэскэ бэйэм күүспүн тургутан көрөөрү, бэйэбэр саҥа талааннары арыйаары кыттарга быһаарынным. Бу бэйэбин холонон көрөр, саарбахтааһыннарбын туоратар уонна тугу дьиҥнээхтик сатыырбын билиэхпин баҕарар кыаҕым».
АНИТА ЛУГИНОВА. Сааһа: 22. «Күрэс мин төрөөбүт күммэр ананар, бэс ыйын 28 күнүгэр 23 сааспын туолуом!».
МИЛЕНА ХУДОГИЗОВА. Сааһа: 20. «Мин «Туймаада Куо» күрэскэ кыттар сыалым-соругум – бэйэм нарын-намчы эйгэбин көрдөрүү уонна атыттары маннык күрэхтэргэ кыттарга көҕүлэээһин буолар. Мин итэҕэйэбин, бэйэбитин уонна итэҕэстэрбитин ылынан, биһиги өссө күүстээх уонна бэйэбитигэр эрэллээх буолуохпутун сөп…».
ВИОЛЕТТА МАКАРОВА. Сааһа: 17. «„Туймаада Куо“ күрэскэ кыттыы миэхэ – саҥа уопуту ылар, саҥа сатабыллары уонна билиини иҥэринэр, ону таһынан интэриэһинэй дьону кытта билсэр кыах. Бу миэхэ өссө сайдарбар уонна бэйэм күүстээх өрүттэрбин өйдүүрбэр көмөлөһүө диэн эрэнэбин».
ОЛЬГА ОКОЕМОВА. Сааһа: 21. «Мин бу күрэскэ аан дойдуга арыллаары уонна бэйэбин көрдөрөөрү кэллим. Уһун сыллар тухары мин таптыыр сакаасчыттарым камера объективынан арыллалларыгар көмөлөһөн, куруук күлүккэ уонна кэнники сылдьарым. Билигин бэйэм туспунан биллэрэр уочаратым кэллэ дии саныыбын».
АЛИНА САВВИНОВА. Сааһа: 24. «Мин сыалым-соругум бу олоххо бэйэм кэннибиттэн сананы киллэрии, суол хаалларыы. Хас биирди киһи дьоллоох буоларын туһугар, кэлэр кэнчээри ыччатым кыһалҕаны билбэтин туһугар, бу олоххо саҥаны кииллэриэм диэн үүнэбин-сайдабын».
КАРИНА КОЛЕСОВА. Сааһа: 16. «Миэхэ бу бэйэбин көрдөрөр, табыгастаах эйгэбиттэн тахсар, тугу эрэ саҥаны боруобалыыр уонна атын, кэрэ эйгэни арыйар кыах буолар — ордук биһиги өрөспүүбүлүкэбитин кытта ыкса сибээстээх буоллаҕына!».
АЛЬБИНА БОЛЬШАКОВА. Сааһа: 22. «Мин бэйэбин саҥа өрүтүттэн арыйаары уонна атыттары сыалларын ситиһэллэригэр кынаттыырга кыттарга быһаарынным. Миэхэ бу дьиҥнээх өй, талаан уонна ис күүс дьүөрэлэһиитэ буоларын көрдөрөр кыах. Бу күрэс – мин баҕа санаабар уонна бэйэбин сайыннарар суолбар биир улахан хардыы».
НИКОЛЬ СИВЦЕВА. Сааһа: 20. «Мин бу улахан хардыыга бэйэбин атын өрүттэн билээри-көрөөрү, араас буолуохпун сөбүн уонна бэйэбин аан дойдуга көрдөрөөрү быһаарынным. «Мисс новая Якутия» күрэстэн кынаттанан, маннык улахан күрэскэ кыттарга сананным уонна сыалбар сөпкө иһэбин дии саныыбын».
НАРЫЙААНА ЕГОРОВА. Сааһа: 18. «Мин „Туймаада Куо“ куонкуруска биир баҕа санаабын толороору кыттарга санаммытым. Оҕо эрдэхпиттэн кэрэ эйгэ миигин кынаттыыр, дуоһуйууну аҕалар».
ВИКТОРИЯ ПОПОВА. Сааһа: 20. «Тириэньэр быһыытынан, мин бэйэм гимнаст-кыргыттарбар холобур буолуохпун баҕарабын. Мин соругум – кинилэргэ спортивнай сатабыллары эрэ буолбакка, нарын-намчы быһыыны, дьахтар буолуу эйгэни уонна харизманы көрдөрүү. Бу күрэс миэхэ майгыбын-сигилибин өссө сайыннарарбар уонна дьахтар буолуу эйгэбин арыйарбар төһүү үктэл буолуо диэн эрэнэбин».
ЯНА КИРИЛЛИНА. Сааһа: 18. «Мин чэпчэкитик хамсанабын уонна бары саҥаҕа аһаҕаспын. Бэйэбин уонна кыахтарбын тургутан көрөөрү хорсуннук кытарга сананан кэллим! Ону таһынан, үөрэҕим уратытынан — ыччаты кытта үлэ тэрийээччи, миэхэ маннык бөдөҥ күрэстэри тэрийии түгэннэрэ интэриэһинэй. Биһиги, бары кыттааччылар, сүҥкэн уопуту ылыахпыт диэн итэҕэйэбин уонна билэбин!».
ВЛАДА СТЕПАНОВА. Сааһа: 21. «Саха нарын-намчы кыыhа буоламмын, инникигэ дьулуурдаахпын, эрэллээхпин эрчимнээхпин».
САХАЙААНА САТЫБАЛДИЕВА. Сааһа: 21. «Миигин социальнай ситимнэринэн элбэх кэрэ кыргыттар ортолоруттан бэлиэтии көрбүттэрэ. Ол иһин, миигин талбыттарын кэннэ, бэйэбин көрдөрүөхтээхпин дии санаабытым».
