Олунньу 4-5 күннэригэр Покровскайга «Хаҥалас хапсаҕайа» өрөспүүбүлүкэ таһымнаах күрэхтэһии уонна ССРС, РСФСР, Саха АССР спордун маастара, Саха АССР култууратын үтүөлээх үлэһитэ Илья Петрович Кондратьев сырдык кэриэһигэр муҥутуур кыайыылааҕы быһаарар турнир бэрт тэрээһиннээхтик ыытылыннылар. https://edersaas.ru
Күрэхтэһии маҥнайгы күнүттэн түһүлгэҕэ сытыы хапсыһыылар саҕаланнылар. Барыллааһын хапсыһыыларга бэрт бэлэмнээх хапсаҕайдьыттар утарсааччыларын илин түһэннэр, кыайыы көтөллөнөн, эргииртэн эргииргэ тахсан истилэр. Бөҕөстөр бэйэ-бэйэлэрин кэтэсиһэн турбакка, утарылаһааччыларын араас албаска киллэрэн, өрө көтөҕөн таһааран быраҕан, утарыта атахтаан, атах ис өттүттэн олуйан, умсарыта тардыалаан көрөөччүлэргэ хапсаҕай бырааһынньыгын бэлэхтээтилэр. Оттон бэриниилээх көрөөччүлэри ууга-уокка түһэрэн, саала ыалдьааччылар хаһыыларынан-ыһыыларынан биир кэм ньиргийэн олордо.
Биир түһүлгэҕэ оруобуна 400 бөҕөс күөн көрсөрүн күрэхтэһии ахсын көрбөккүн. Үөһээ-аллараа түһүү-тахсыы, албастан куотуу, онтон кыайтарыы кыһыыта, кыайыы өрөгөйө, күүппэтэх кыайыылар, соһуччу хотторуулар – араас тыҥааһыннаах киирсиилэр бары буоллулар. Оттон тоҕо бачча элбэх киһи биир түһүлгэҕэ муһунна? Быһааран эттэххэ, бу сайын Үөһээ Бүлүүгэ Манчаары Оонньуулара буолар. Инньэ гынан, улуус хамаандалара Манчаарыга кыттыахтаах бастыҥнарын талаллар, сүүмэрдииллэр. Өссө бу хапсаҕайга миэстэлэспиттэр маастар нуорматын толороллоругар очукуо суруннулар. Биир уратынан, хапсаҕайга Монголия хамаанда туруорбута буолла. Монголлар биһиги бөҕөстөрбүтүн кытта биир таһымҥа күрэхтэһэннэр, бэлэмнээхтэрин көрдөрдүлэр, уопсай суокка икки мэтээли ыллылар.
Икки күннээх күөн күрэс кэнниттэн саамай элбэх кыһыл көмүс мэтээли үөһээ бүлүүлэр ыллылар.
»Хаҥалас хапсаҕайын» кыайыылаахтара уонна призердара:
Эр дьон, 55 киилэ:
1 м – Лопатырев Иван (Үөһээ Бүлүү)
2 м – Григорьев Прокопий (Кэбээйи)
3 м – Бетюнов Саргылаан (Таатта-ЧИФКИС)
62 киилэ:
1 м – Иванов Егор (Үөһээ Бүлүү)
2 м – Давыдов Ньургун (Амма)
3 м – Дмитриев Егор (Бүлүү-Дьокуускай)
70 киилэ:
1 м – Прокопьев Рустам (Үөһээ Бүлүү)
2 м – Афанасьев Владимир (Чурапчы)
3 м – Сивцев Денис (Хаҥалас)
80 киилэ:
1 м – Сидоров Роберт ( Дьааҥы-Модун)
2 м – Власов Константин (Чурапчы)
3 м – Чернов Олег (Томпо –»ХОТОЙ» СК )
90 киилэ:
1 м – Старостин Юрий ( Дьааҥы — Модун)
2 м – Наумов Пантелеймон (Сунтаар)
3 м – Софронеев Игорь (Нам)
90 киилэттэн үөһээ:
1 м – Тимофеев Увар (Үөһээ Бүлүү)
2 м – Tseveenregzen Chinzorig (Монголия)
3 м – Михайлов Гаврил (Сунтаар — Модун)
Аҕам саастаахтарга, 60 киилэ:
1 м – Павлов Кирилл (Амма)
2 м – Дьячковский Захар (Мэҥэ Хаҥалас)
3 м – Дорожкин Алексей (Хаҥалас)
70 киилэ:
1 м – Уйгуров Василий (Дьокуускай)
2 м – Игнатьев Сергей (Үөһээ Бүлүү)
3 м – Ким Евгений (Үөһээ Бүлүү)
80 киилэ:
1 м – Андреев Александр (Чурапчы)
2 м – Тихонов Михаил (Мэҥэ Хаҥалас)
3 м – Матвеев Матвей (Амма)
90 киилэ:
1 м – Румин Александр (Нам)
2 м – Массаев Григорий (Таатта)
3 м – Белолюбский Иван (Уус Алдан)
90 киилэттэн үөһээ:
1 м – Афанасьев Трофим (Ньурба)
2 м – Tsend-Ayush Ochirbat (Монголия)
3 м – Чаприн Иннокентий (Бүлүү)
Муҥутуур кыайыылаах — Увар Тимофеев (Үөһээ Бүлүү)Уопсайынан, икки күн иһигэр 400-чэ бөҕөс бары да чаҕылхай киирсиини көрдөрдүлэр. Көрөөччүлэр да өтөрүнэн көрбөтөх хапсаҕайдарын көрөн, сирэйдиин-харахтыын сырдаан, астынан тарҕастахтара буолуо диэн эрэнэбит.
Бэй. корр., https://edersaas.ru
Дьулустаан Сергеев хаартыскаҕа түһэриитэ.