Бүлүү педагогическэй кэллиэһигэр тэрийээччи үлэһит Светлана Мытник өрүү үтүө сонуннаах сибээскэ тахсар.
Бүгүн кини кэллиэс оҕолоро эрэгийиэннээҕи очнай-дистанционнай worldskils күрэхтэһиигэ кыттан кыайыы көтөллөнөн кэлбиттэрин сырдатта. Бу күрэхтэһиигэ кыттыбыт оҕолор санааларын үллэһиннилэр.
Прикладной информатика салаатын 3 кууруһун устудьуона Андрей Антоев:
— Күрэхтэһии Покровскай куорат Покровскайдааҕы кэллиэс баазатыгар ыытыллыбыта. Мин көмпүүтэр уонна мультимедийнэй приложениелары быһаарыы диэҥҥэ кытынным. Урут маннык хэхайысхалаах хакатоннарга кыттыбыт буоламмын, син уопуттаах эбиппин, онон кыайыыны ситистим диэм этэ. Маннык тэрээһиннэр ыччакка олус туһалаахтарын бэлиэтиибин.
Денис Федоров, прикладной информатика 3 кууруһун устудьуона:
— Мин веб-дизайн диэҥҥэ кытынным. Күрэхтэһии Нерюнгритээҕи технологическэй кэллиэскэ буолбута. Кыттыбыт баалым түмүгүнэн 3 миэстэ буоллум. Бастакы кыттыым, онон наһаа үөрдүм, тэрийээччилэргэ махтанабын.
Анжела Сумьяа, дошкольнай салаа 3 кууруһун устудьуона:
— Мин кыттыбыт салаам бэйэм үөрэхпэр сыһыаннаах. Холобур, оҕо саҥарар тылын сайыннарыыга аналлаах дидактическай үлэни оҥоруу. Киһи манна кыттан бэйэтин билиитин, кыаҕын бэрэбиэркэлэнэригэр уонна таһымын үрдэтэригэр олус туһалаах эбит.
Ульяна Захарова.