Саха сирин иккис бэрэсидьиэнэ Вячеслав Штыров Судаарыстыбаннай сүбэһитинэн ананна. Бу туһунан Ил Дархан Айсен Николаев бэйэтин Инстаграмыгар иһитиннэрэр.
Санатан эттэххэ, Судаарыстыбаннай сүбэһитинэн анаммыт Егор Борисов балаҕан ыйын 28 күнүгэр Саха сириттэн Федерация Сэбиэтин чилиэнинэн ананан барбыта.
Вячеслав Анатольевич Федерация Сэбиэтигэр 2010 с. үлэлээн кэллэ. Бу үлэлиир кэмигэр кини Федерация Сэбиэтин бэрэссэдээтэлин солбуйааччынан, Оборона уонна куттал суох буолуутун кэмитиэтин, Арктика сайдыытын боппуруостарын судаарыстыбаннай хамыыһыйатын чилиэнинэн, судаарыстыбаннай уорганнарга Уһук Илин, Илиҥҥи Сибиир, Арктика сайдыыларын боппуруостарыгар Федерация Сэбиэтин бэрэстэбиитэлинэн, Арктика уонна Антарктика сэбиэтин бэрэссэдээтэлинэн, Уһук Илин уонна Байкал регионнарын сайдыытын сэбиэтин бэрэссэдээтэлинэн үлэлээбитэ. Ону сэргэ кини экономика, авиация сайдыытыгар, Уһук Илин регионнар, Арктика боппуруостарыгар тэриллибит хамыыһыйаларга, оробуочай бөлөхтөргө үлэлэһэн кэллэ.
Аграфена КУЗЬМИНА, edersaas.ru