В.А.Штыров аатынан Томпотооҕу элбэх хайысхалаах гимназия учууталлара бэлэмнээбит боппуруостарынан ыытыллыбыт Вячеслав Штыров 70 сааһыгар аналлаах интернет-олимпиадаҕа барыта 1627 кыттааччы илин былдьаста.
Олимпиада «Кэскилгэ хардыы» ыччаттар научнай пуорумнарын чэрчитинэн сэтинньи устатыгар ыытылынна.
Ахсынньы 7 күнүгэр бу пуорум үөрүүлээх аһыллыытын кэмигэр кыайыылаахтарга дипломнары туттардылар. Учууталлар ортолоругар интернет-олимпиада чыпчаал кыайыылааҕынан Ю.А.Готовцев аатынан Дьокуускайдааҕы технологическай техникум историяҕа, обществознаниеҕа учуутала Лена Вячеславовна Антипина, устудьуоннарга муҥутуур чыпчаал кыайыылааҕынан бу техникум «Коммерция по отраслям» исписээлнэскэ 2 кууруска үөрэнэр устудьуон Иван Новгородов кыайыы үрдүк өрөгөйүн билэн, «сулустаах чаастара» тосхойдо.
Елена Иванова