Вячеслав Олесов: «Тустаах боломуочуйа федеральнай таһымҥа көстөҕүнэ,  баар кыһалҕалар кэбэҕэстик быһаарыллыахтара»

Бөлөххө киир:

Вячеслав Олесов,  СӨ Ойуур сыһыаннаһыыларыгар Департаменын урукку салайааччыта, 2011-2021 сс Ойуур үлэһиттэрин  уопсастыбаннай тэрилтэтин бэрэссэдээтэлэ, СӨ Норуотун хаһаайыстыбатын үтүөлээх үлэһитэ:

— РФ Бэрэсидьиэнэ Владимир Путин ыыппыт мунньаҕар  киэҥ сирдээх-уоттаах, аҕыйах нэһилиэнньэлээх  эрэгийиэннэргэ  ойуур баһаарын умуруоруу боломуочуйатын федеральнай таһымҥа биэрэр туһунан эппитин биир бэйэм сэргии иһиттим. Бу маны олоххо киллэрэргэ РФ Бырабыыталыстыбатыгар, тустаах тэрилтэлэргэ сорудахтаата. РФ Ойуурун кодексатыгар уларытыылары киллэрэн,  эрэгийиэннэр ойуур баһаарын умуруорар боломуочуйаларын төттөрү федеральнай таһымҥа көһөрөр саамай сөп. Итинэн сиэттэрэн, эрэгийиэннэргэ ойуур хаһаайыстыбатынан дьарыктанар тэрилтэлэри  тэрийиллиэхтээх уонна кинилэр хайаан да федеральнай бүддьүөттэн быһаччы үбүлэниэхтээхтэр. Оччоҕуна үбү тыырыы судургутуйуоҕа, сыл аайы үбү былдьаһыы тахсыа суох этэ.

Бары билэрбит курдук, өрөспүүбүлүкэ ойуурун хаһаайыстыбатыгар аҕыйах исписэлиис үлэлиир, 500-чэкэ курдук. Урукку өттүгэр өрөспүүбүлүкэ  тустаах хаһаайыстыбаларыгар 2500-тэн тахса киһи баара. Аҥаардас «Авиалесоохрана» тэрилтэтэ бастайааннай ыстаатка  1200 исписэлиистээҕэ, 110 көтөр ааллааҕа. Билигин  бу айылаах улахан сирдээх-уоттаах Саха сиригэр тустаах тэрилтэ 10 көтөр ааллааҕа биллэр.

Онон тустаах боломуочуйа  федеральнай  көрүүгэ-истиигэ бэрилиннэҕинэ, үөһэ этиллибит кыһалҕалар бэрт кэбэҕэстик быһаарыллыа этилэр.

+1
0
+1
0
+1
0
+1
0
+1
0
+1
0
+1
0