Вячеслав Володинныын көрсүһүүгэ Саха сирин «Эдэр Гвардиятын» хайҕаатылар

Аан дойду ыччатын бэстибээлигэр Госдума бэрэссэдээтэлинээн Вячеслав Володинныын уонна «Эдэр Гвардия» Арассыыйатааҕы координационнай сэбиэтин бэрэссэдээтэлиниин Денис Давыдовтыын көрсүһүү буолла. Көрсүһүүгэ регионнар «Эдэр Гвардия» түмсүүлэрин үлэтин ырыттылар. Денис Давыдов Саха Өрөспүүбүлүкэтин «Эдэр Гвардия» түмсүүтүн үлэтин үрдүктүк сыаналаата. 

Раиса Контоева, бэстибээл делегата, Саха Өрөспүүбүлүкэтээҕи «Эдэр Гвардия» аппараатын салайааччыта:

— Вячеслав Володинныын көрсүһүүгэ «Эдэр Гвардия» Арассыыйатааҕы координационнай сэбиэтин бэрэссэдээтэлэ Денис Давыдов Саха Өрөспүүбүлүкэтин «Эдэр Гвардия» аппараатын үлэтин хайҕаабыта олус үөрдэр. Ааспыт быыбар түмүгүнэн, Саха Өрөспүүбүлүкэтин «Эдэр Гвардия» аппараата 76 дьокутааттаммытын уонна 4 нэһилиэк баһылыга талыллыбытын бэлиэтээтэ. Үлэбит түмүгэ үрдүктүк сыаналаммытыттан астынабыт.

Николай Попов, «Саха сирэ» хаһыат, edersaas.ru