Москваҕа, Москва уобалаһыгар уонна Санкт-Петербурга коронавирус тарҕаныытын тэтимэ намтаан эрэрэ көстөр диэн Аан дойду доруобуйа харыстабылын тэрилтэтин (ВОЗ) бэрэстэбиитэлэ Мелита Вуйнович иһитиннэрдэ.
Ол эрээри, дойду атын эрэгийиэннэригэр балаһыанньа уустук соҕус диэн бэлиэтээбит. Вуйнович Арассыыйаҕа ыарыы намтыыр кэмэ кэлиэхтээҕин туһунан бигэ санаалааҕын эттэ.
— Вакцина оҥоһулла илигинэ ыарыы намтааһына эпидемия тарҕаныытын туруоҕа, — диэтэ ВОЗ бэрэстэбиитэлэ.
Билигин дойду доруобуйа харыстабылын салаатын өйүүр улахан суолталааҕын туһунан тоһоҕолоон эттэ. Бу боппуруоска ВОЗ салалтата Арассыыйа бырабыыталыстыбатын кытта биир санаалааҕын бэлиэтээтэ.
edersaas.ru
Хаартыска — РБК.
+1
+1
+1
+1
+1
+1
+1