ВОЗ салайааччыта : «Аан дойдуну олус ыарахан ыйдар күүтэллэр”

Ааптар: 
Бөлөххө киир:

Доруобуйа харыстабылын аан дойдутааҕы тэрилтэтин (ВОЗ) салайааччы Тедрос Гебрейесус Женеваҕа ааспыт брифиҥҥэ: “Аан дойдуну олус ыарахан ыйдар күүтэллэр”, — диэн биллэрдэ.

Кини алтынньы 23 күнүгэр 423 тыһыынчаттан тахса киһи биир күн иһигэр сутуллубутун туһунан биллэрии кэнниттэн бу тыллары эттэ. Пандемия туруоҕуттан бу муҥутуур улахан сыыппаралар буолаллар. Ордук элбэх саҥа ыарыһах АХШ-га көстүбүт: 60 тыһыынчаттан тахса киһи. Оттон Индияҕа 55 тыһыынча кэриҥэ киһи сутуллубута чахчыламмыт. 

— Билигин биһиги бары COVID-19 тарҕаныытын олус кутталлаах кэмигэр сылдьабыт. Чуолаан хотугу полушариеҕа, — диир Тедрос Гебрейесус.

Эрдэ ВОЗ коронавируһу эмтииргэ туһаны аҕалыахтара диэн эрэл биэрбит эмтэр бары кэриэтэ туһалыыр кыахтара суоҕун туһунан иһитиннэрбитэ. «Ремдесивир», «Интерферон», «Гидроксихлорохин», «Лопиновир» уо.д.а. препараттар туһалыыр уратылара дакаастамматах. 

Билигин аан дойду үрдүнэн 41,5 мөлүйүөн киһи ыалдьыбыта чахчыламмыт, олортон 1,13 мөлүйүөн киһи ыарыыттан өрүттүбэтэхтэр.

Егор Карпов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0