Интэриэһинэй

«Восточнайтан» аракыата көтөрө аҕыйах күн хаалла

Восточнай” космодромтан алтынньы 14 күнүгэр «Союз-2.1б» аракыата көтөн, Саха сирин үрдүнэн ааһара күүтүллэр. Бу аракыата OneWeb сир үрдүнэн көтөр спутниктары куйаарга таһаарыахтаах. Бу туһунан Нэһилиэнньэ олоҕор-дьаһаҕар куттал суох буолуутун хааччыйыыга судаарыстыбаннай кэмитиэт официальнай саайтыгар биллэрии таһаарбыт.

Аракыата тобохторо сабаҕалааһын быһыытынан  Алдан уонна Кэбээйи улуустарыгар түһүөхтээхтэр. Бу диэки нэһилиэнньэни сэрэтии үлэтэ ыытылынна, улуустарга быыһыыр бөлөхтөр бэлэмнэннилэр. Улуустар уонна нэһилиэктэр салалталарыгар олохтоох нэһилиэнньэҕэ сэрэтии үлэтин ыытарга сорудах бэрилиннэ, ордук табаһыттары, булчуттары аракыата тобохторо  түһэр сирдэриттэн тэйиччи сылдьалларыгар сэрэтии ыытар туһунан эбии этилиннэ.

«Саха сирэ» хаһыат, edersaas.ru

Хаартыска sakha.gov.ru

0
0