Бүгүҥҥүттэн Дьокуускайга уонна Мииринэйгэ “Эдэр профессионаллар” (WorldSkills Russia) VII национальнай чөмпүйэнээт сүүмэрдиир күрэхтэһиилэрэ саҕаланнылар. Маннык тэрээһин Саха сирин сэргэ компетенцияларынан Арассыыйа 25 эрэгийиэнигэр ыытыллар.
edersaas.ru
Тэрийээччилэр бэлиэтииллэринэн, Саха сиригэр сүүмэрдээһиҥҥэ, уопсайа, 65 эрэгийиэнтэн 600-чэ кыттааччы кэлэрэ күүтүллэр. Дьокуускай куораты таһынан күрэхтэһии Мииринэйгэ эмиэ барыаҕа. Уопсайа, 11 компетенцияҕа сатабылларын көрдөрүөхтэрэ. Итиэннэ бастыҥнар атырдьах ыйын 22-27 күннэригэр Казаҥҥа ыытыллар “Эдэр профессионаллар” (WorldSkills Russia) аан дойду VII чөмпүйэнээтигэр кыттар быраабы ылыахтара. Санатан эттэххэ, чөмпүйэнээт Арассыыйаҕа аан маҥнайгытын ыытыллар, 60-ча дойдуттан кэлэллэрэ күүтүллэр.
Людмила ПОПОВА, “Саха сирэ” хаһыат, edersaas.ru
Хаартыска: ВорлдСкиллс саайтыттан.
+1
+1
+1
+1
+1
+1
+1