Муус устар 17 күнүгэр «Дойдуга бэриниилээх буолуу хамсааһына» уонна «Устуоруйа өйдөбүлэ» диэн «Биир ньыгыл Арассыыйа» баартыйа бырайыагын чэрчитинэн, эдэр гвардеецтар уонна волонтердар үгэс буолбут субуотунньукка тахсан, Аҕа дойду Улуу сэриитигэр анаммыт пааматынньыктары ыраастаатылар.
СӨ норуодунай дьокутаата. «Биир ньыгыл Арассыыйа» баартыйа чилиэнэ Татьяна Егорова:
— Маннык тымныы, сааскыта суох халлааны аахсыбакка, эдэр оҕолор субуотунньукка тахсан үлэлээбиттэрэ үөрүүлээх. Бу дойдуга бэриниилээх буолуу хардыыта дии саныыбын. Ыччаппыт Дьокуускайы таптыыра үөрдэр.
«Эдэр гвардия» аппараатын салайааччыта Александр Аверенскай бэлиэтииринэн, «уһун кыһын кэнниттэн бу субуотунньук «Устуоруйа өйдөбүлэ» бырайыак чэрчитинэн бастакы тэрээһин буолар. Мин, уопсастыбаннык быһыытынан, барыларын субуотунньукка тахсалларыгар ыҥырабын!»
Ульяна Захарова, edersaas.ru
Хаартыска: https://yakut.er.ru