Өрөспүүбүлүкэҕэ коронавируһу утары муҥутуур бэлэмнэниинэн волонтердар хамсааһыннарын үлэтэ кулун тутар 17 күнүгэр саҕаламмыта.
edersaas.ru
Күн бүгүн өрөспүүбүлүкэ үрдүнэн 600-чэкэ кэриҥэ волонтер бу хамсааһыҥҥа кыттыста.
Өрөспүүбүлүкэтээҕи волонтердар хамсааһыннарын ыстаабын салайааччыта Алена Кычкина олус наадалаах өйөбүл туһунан бу курдук кэпсиир:
— Волонтерунан 18-тан 50 сааһыгар диэри олоххо көхтөөх, актыыбынай дьон буолуохтарын сөп. Дьокуускайга сүрүннээн ХИФУ устудьуоннара волонтердууллар.
Волонтердар дьоҥҥо ас-үөл, эмп-том, күннээҕи олоххо туттар малы-салы атыылаһан, тиэрдэн биэрэллэр.
Сакааһы волонтер бастаан бэйэтин харчытыгар атыылаһар, онтон чиэгин көрдөрөн баран, харчытын ылар.
Күн аайы волонтер көмөтүгэр наадыйар сайабалыанньа элбээн иһэр.
Улуустарга волонтердар хамсааһыннарын дьаһалталар, оперативнай ыстааптар исписэлиистэрэ салайаллар.
Елена ПОТОЦКАЯ, «Саха сирэ» хаһыат, edersaas.ru
Хаартыска — өрөспүүбүлүкэтээҕи волонтердар хамсааһыннарын архыыбыттан.