Ыччат миниистирэ Степан Саргыдаев быһа сибээскэ ыйытыыларга хоруйдаата.
«Волонтердар куорпустара билигин тугунан дьарыктанар?» диэн ыйытыыга кини:
— Пандемия туруоҕуттан волонтердар куорпустара биир да күн өрөөбөккө күн бүгүнүгэр диэри үлэлии олорор. Аны билигин кинилэр аҕам саастаахтарга ас-үөл, эмп-томп тиэрдэллэрин таһынан, аҕам саастаахтар быһыыны ылалларыгар арыаллыыллар, — диэтэ.
«Ил Дархан граныгар куонкурус буолар дуо?» ыйытыыга:
— Ил Дархан Айсен Николаев граныгар куонкурус былырыыҥҥы курдук ыытыллыаҕа. 16 хайысхаҕа, сүрүннээн социальнай уонна доруобуйа сыла биллэриллибитинэн, чөл олоҕу тутуһууга буолуоҕа.
» Физическэй сирэй РФ Бэрэсидьиэнин граныгар кыттыан сөп дуо?» ыйытыы киирбитигэр:
— РФ Бэрэсидьиэнин граныгар физическэй сирэй кыттыбат. Манна кэммиэрчэскэйэ суох тэрилтэлэр кытталлар, — диэн хоруйдары биэрдэ.
Ульяна Захарова.