Волонтердар бэтэрээннэргэ көмөлөрө ахсаабат
Олох-дьаһах - ЭС - маны аах

Волонтердар бэтэрээннэргэ көмөлөрө ахсаабат

«Действуй» бырайыак кыттыылаахтара бэтэрээннэргэ муустарын бэлэмнииллэр.
Бу туһунан добровольческай бырайыагы салайар Татьяна Решетникова иһитиннэрдэ диэн ТАСС сырдатар. Чурапчы нэһилиэктэрин олохтоохторо чугастааҕы күөллэриттэн иһэр ууларыгар муус ылан хаһааналлар. Биир дьиэ кэргэн сайыннары муус уутун иһэригэр, ортотунан, үс-түөрт массыына тиэллиэн наада буолар диэн кини эппит.
«Коркинец» уопсастыбаннай түмсүү чилиэннэрэ уонна олимпийскай эрэллэри бэлэмниир оскуола-интэринээт үлэһиттэрэ мууска наадыйар «Спортивнай» түөлбэ олохтоохторугар көмөлөстүлэр. Бэтэрээннэргэ, тыыл үлэһиттэригэр, сэрии оҕолоругар, соҕотоҕун олорор аҕам саастаах дьоҥҥо көмө өрүү наада. Сотору кэминэн сайын иһэллэригэр мууһунан хааччыйыахпыт. Волонтердар ону сэргэ, сайаапканан күн ахсын астарын-үөллэрин тиэрдэллэр, коммунальнай төлөбүрдэрин төлүүллэригэр көмөлөһөллөр, почтаҕа сылдьаллар, — диэн кэпсээбит.
Чурапчы оройуонугар олорор 64 бэтэрээҥҥэ волонтердар араас аахсыйалары толкуйдаан ыыталлар, маастар-кылаастары тэрийэллэр. Олунньу саҥатыгар хаалыктаах хаамыыга аһаҕас уруок былааннанар.
«Действуй» бырайыак Бэрэсидьиэн граннарын пуондатын өйөбүлүнэн тэриллибит.
Сыл устатыгар НКО-ларга (кэммиэрчэскэйэ суох тэрилтэлэргэ) араас хайысхаларга күрэстэр тэриллэллэр. Ол иһигэр, киһи быраабын көмүскүүр, култуура, доруобуйа харыстабылын эйгэлэригэр.  Сыл устатыгар «Социальное обслуживание, социальная поддержка и защита граждан», «Охрана здоровья граждан, пропаганда здорового образа жизни» уонна «Поддержка семьи, материнства, отцовства и детства» хайысхаларынан күрэстэр ыытыллыбыттар.
0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

20 + 14 =