Коронавирус дьаҥыттан дьон-сэргэ дьиэҕэ хаайтаран олорор кэмигэр, ханна да волонтердар көмөлөрө кырдьаҕастарга туох да мөккүөрэ суох абырыыр.
Билэргит курдук кинилэр аҕам саастаахтарга, инбэлииттэргэ, соҕотох олорор кырдьаҕастарга сайаапка быһыытынан астарын-үөллэрин, эмтэрин-томторун, күннээҕи туттуллар ол-бу наадалаахтарын уталыппакка тиэрдэн биэрэллэр. Маны таһынан, тыа сирдэрин волонтердара, кыһалҕалаахтарга өссө мастарын хайытан, муустарын ылан, тиэргэннэрин өрө тардан биэрэллэр.
Горнай улууһугар 70-тан тахса волонтердаммыттар. Бу аата, үтүө дьыаланы оҥорорго кыттыһыан баҕалаахтар элбээн иһэллэрин туоһулуур.
Өлөөн улууһугар барыта 85 волонтер кырдьаҕастарга көмөлөһөр. Ыччаттар маны таһынан, сандал сааһынан нэһилиэктэрин иһин хомуйууга эмиэ ылсыбыттар.
Таатта волонтердара нэһилиэктэри кытары холбоон 90-лар. Улуус үрдүнэн күҥҥэ, арыт, 20-тэн тахсалыы сайаапка киирэрэ сонно толоруллан иһэр.
Дьокуускайга күн ахсын хардарыта солбуйсан, 50-нуу волонтер үлэлиирэ бэлиэтэнэр. Киирбит сайаапканы тиэрдэн биэрии эмиэ күннээҕинэн толоруллар.
Ханна да бу улахан наадалаах дьыаланы оҥорсо, кыһалҕалаах боппуруоһу быһаарса, өрөбүлэ суох сылдьар волонтердарга аҕам саастаахтар махтаныахтарын махтаналлар.
Хаартыскаҕа: Горнай волонтердара