Сүрүн Уопсастыба

Волонтердар Бүтүн Арассыыйатааҕы куонкуруска хоттулар

«Үтүө дьыала эрэгийиэнэ» диэн волонтердары өйөөһүн Бүтүн Арассыыйатааҕы куонкуруһугар Саха сирэ 39 кыайыылаах эрэгийиэн кэккэтигэр киирдэ.

edersaas.ru

Куонкуруһу Ыччат дьыалаларыгар федеральнай ааҕыныстыба (Росмолодежь) ыам ыйыттан саҕалаан, от ыйыгар диэри «Үөрэҕирии» нацбырайыак «Социальнай көхтөөх буолуу» федеральнай бырайыагын чэрчитинэн тэрийэн ыытта.

Биэс түһүмэх түмүгүнэн, Бүтүн Арассыыйатааҕы куонкурус кыайыылаахтарын кэккэтигэр Арктикатааҕы судаарыстыбаннай агротехнологическай университет устудьуоннарын «Зооволонтердары үөрэтэр «Волонтер академията» бырайыактара киирдэ. Бырайыагы олоххо киллэриигэ кэлэр 2021 сылга «Үөрэхтээһин» национальнай бырайыагынан федерацияттан үп көрүллүөхтээх.

«Волонтер академиятын» устудьуоннар өссө 2019 с. тэрийбиттэрэ. Ыччат үтүө саҕалааһынын өйөөн, биһиги Волонтер киинигэр кэбиниэт анаабыппыт. Онно тирэҕирэн, кинилэр социальнай суолталаах араас бырайыактарга үлэлээтилэр, элбэх дьаһаллары тэрийдилэр. Улахан өйөбүлү Ыччат дьыалаларыгар уонна социальнай коммуникацияларга министиэристибэнэн сирэйдээн, өрөспүүбүлүкэ Бырабыыталыстыбата оҥордо, – диэтэ ректор Иван Слепцов.

Раиса Сибирякова, «Саха сирэ» хаһыат, edersaas.ru

0
0
Telegram @edersaas20

Добавить комментарий