Коронавирус дьаҥыттан дьиэҕэ хааччахтанан олорор кырдьаҕастарга волонтердар көмөлөрө улахан наадалаах. Астан-үөлтэн саҕалаан, эмкэ-томко, күннээҕи туттар малга-салга тиийэ сайаапканан тута тиэрдэллэр. Ону таһынан, кыһалҕалаахтарга мастарын хайыталлар, муустарын ылаллар, тиэргэннэрин өрө тардаллар.
Улуустарга волонтердар ыстааптара тэриллиэхтэриттэн, үлэ-хамнас хайдах салаллан иһэрин, төһө сайаапка киирэрин билистибит.
Таатта көхтөөх ыччаттаах
Тааттаҕа волонтердары улуустааҕы ыччат отделын салайар Иван Иванов сүрүннүүр. Улууска барыта 89 волонтер сүүрэн-көтөн киирбит үлэҕи толорор. Икки ый кэриҥэ үлэҕэ улуус үрдүнэн дьонтон уопсайа 585 сайаапка киирбит. Муус устар ыйга 270 сайаапка түһэриллибит. Дьон-сэргэ бэҕэһээ кыратык уоскуйан ылбыт эрээри, бүгүн күн ортотугар диэри номнуо 33 сайаапка киирбит.
Горнайга өрөбүлэ суох үлэлииллэр
Горнайга волонтердар үлэлэригэр эппиэттээҕинэн улууска ыччат бэлиитикэтин отделын исписэлииһэ Сардаана Туралысова талыллан үлэлиир. Улууска кэлин эбиллэннэр, 72 волонтер күн бүгүн түбүгүрэр. Икки ый кэриҥэ үлэлэригэр барыта 1171 сайаапка түһэриллибит. Муус устарга улуус үрдүнэн 960 киһи кинилэр көмөлөрүгэр наадыйбыт. Аҥаардас бэҕэһээ, 1 Маай бырааһынньыгын күн, 44 киһи сайаапкаламмыта толоруллубут.
Нам волонтердара — көмөлөһөөччү бастыҥнара
Нам волонтердарын улуустааҕы дьаһалтаҕа ыччат бэлиитикэтин исписэлииһэ Марат Петров муоһалыыр. Улуус үрдүнэн кырдьаҕастарга көмөлөһөр баҕалаахтарын биллэрэн барыта 74 волонтер үлэлии-хамсыы сылдьар. Улууска ыстаап тэриллиэҕиттэн икки ый кэриҥэ бириэмэҕэ 532 сайаапка дьонтон киирбит. Муус устар ыйга барыта 387 сайаапка5а тиийбит. Оттон Маай бырааһынньыгын күн 17 үлэх киирэн тута толоруллубут.