Бэҕэһээҥҥи күн иһигэр волонтердарга 486 сайаапка киирбит. Оттон киин үлэлиэҕиттэн 9851 сайаапка киирбитэ биллэр. Бу туһунан волонтердар куорпустарын бэрэссэдээтэлэ, СӨ ыччат дьыалаларыгар уонна социальнай коммуникацияларга миниистири бастакы солбуйааччы Александр Сусоев иһитиннэрэр.
Нэдиэлэ иһигэр волонтердарга 82 киһи кыттыста, онон өрөспүүбүлүкэ үрдүнэн 2574 киһи бэйэтин баҕа өттүнэн дьоҥҥо көмөлөһө сылдьар.
Муус устар 22 күнүттэн волонтердар 65-тэн үөһээ саастаах дьоҥҥо биирдэ бэриллэр бородууктанан көмөнү таһан эрэллэр. Куорпуска 5000-ттан тахса сайаапка киирдэ. Бэҕэһээ номнуо 343 биэнсийэлээххэ бородууктаны тастылар, ол иһигэр узбектар Саха сиригэр диаспоралара тиэрдибит фруктатын уонна оҕуруот аһын түҥэттилэр.
«Билигин колл-кииҥҥэ сайаапканы 15 волонтер хомуйар. Оттон коронавирус баар оройуоннара көмө бородууктаны ылар 65-ттэн үөһээ саастаах дьон испииһэгин бэйэлэрэ оҥорор буоллулар», — диэн куорпус бэрэссэдээтэлэ Александр Сусоев этэр.
Дьокуускайга 368 киһи волонтердуур, Мииринэйгэ — 205, Сунтаарга — 118, Алдаҥҥа — 106, Горнайга — 53, Ленскэйгэ — 50, Бүлүүгэ — 25.
Волонтердуон баҕарар киһи www.мывместе2020.рф саайтка регистрацияны ааһыан наада.
Оттон сайаапкалары 8 (800) 200-34-11, 8 (800) 100-14-03, 8 (4112) 35-10-46 нүөмэрдэринэн туталлар.
edersaas.ru