Өрөспүүбүлүкэбитигэр баар волонтер ресурснай киинэ эрэгийиэн баһылыгыттан 15 тыһыынча киһиэхэ көмөлөһөргө анаммыт граны сүүйдүлэр.
«Ил Дархан гранын күрэһигэр кыттан, үс мөлүйүөн солкуобай суумалаах граны сүүйдүбүт. Онон биһиги волонтердарбыт 21 оройуон көмөҕө наадыйар 15 тыһыынча киһитигэр өйөбүл буолуохтара. Манна Арткика улуустара — Булуҥ, Усуйаана эмиэ киирдилэр», — диэн «Миэдик-волонтердар» уопсастыбаннай хамсааһын координатора Алена Кычкина иһитиннэрэр.
Итиэннэ көрүллүбүт үбү үтүө санаалаах дьон тустаах билиини ылалларыгар уонна уопсастыбаннай хамсааһын дьиэтин-уотун өрөмүөннээһиҥҥэ ыытыахтара.
Ресурснай киин эрэгийиэҥҥэ волонтер хамсааһынын сайыннарар сыаллаах үлэлиир. Манна үтүө санаалаах дьону волонтердуурга, тэриллиилэргэ өҥөнү хайдах оҥорорго үөрэтэллэр.
Ил Дархан граныгар куонкуруһун СӨ Ыччат дьыалаларыгар уонна социальнай коммуникацияларга министиэристибэтэ ыам ыйын 9 күнүттэн саҕалаабыта. Манна 16 хайысханан 256 сайаапка киирбититтэн, 43 бырайыак барыта 56 мөлүйүөн суумалаах өйөбүлү ылла.
edersass.ru
Хаартыска — СИА.