Волейбол финалыгар Өлүөхүмэни кытта Дьокуускай уолаттара күөн көрсүөхтэрэ

Ааптар: 
Бөлөххө киир:

Өлүөхүмэ уолаттарын кытта финалга ким киирсэрэ билиннэ. Дьокуускай куорат хамаандата Ленскэй улуус хамаандатын  3:1 ахсаанынан кыайан кыһыл көмүс мэтээл туһугар киирсэр чиэскэ тигистэ.

Элбэх киһи сабаҕалыырынан, маҥнайгы түһүмэҕи кыайбыт хамаанда оонньууну барытын кыайааччы диэн. Ол эрээри, бу сырыыга дьокуускайдар маҥнайгы түһүмэҕи 23:25 ахсааннаах мүччү тутан баран, кэлэр үс түһүмэҕи утуу-субуу кыайан полуфинал кыайыылаахтарынан таҕыстылар. Төрдүс түһүмэҕи икки хамаанда бэйэ бэйэлэриттэн ордук сытыытык былдьастылар. Ахсаан эмиэ (өлүөхүмэлэр аммалары кытта төрдүс түһүмэххэ ити курдук ахсааннаах кэлбиттэрэ) 23:23 буолбута. Онтон Дьокуускай хамаандата биир очукуону ылбытын кэнниттэн, Ленскэй оонньооччута бэйэтин охсуутун аут ыытан, киин куорат хамаандата бары түһүмэхтэр түмүктэринэн 3:1 ахсааннаах кыайыыны ситистэ.

+1
0
+1
0
+1
0
+1
0
+1
0
+1
0
+1
0