Нам улууһугар «Воин» сэбилэниилээх дьайыы бэтэрээннэрин түмсүүтэ араас өрүттээх үлэни ыытар.
edersaas.ru
Уопсастыбаннай тэрилтэни Павел Оконешников салайар. Сыл аайы түмсүү чилиэннэрэ кыаммат ыаллары, сокуоннай саастарын ситэ илик оҕолору реабилитациялыыр кииҥҥэ куруук аһынан-үөлүнэн, күһүнүн оскуолаҕа баралларыгар канцелярскай табаарынан хааччыйаллар.
Сыстыганннаах дьаҥ өрө туран, оскуола оҕолоро тэйиччиттэн олорон үөрэнэллэр. Биллэн турар, үгүс улуустарга курдук, Нам улууһун элбэх оҕолоох ыаллара интэринэтинэн үөрэнэллэригэр суотабай төлөпүөннэрэ, көмпүүтэрдэрэ, ноутбуктара тиийбэккэ уустуктары көрсөллөр. Бу ыарахаттары өйдөөн, «Воин» уопсастыбаннай түмсүү уолаттара сүбэлэһэ охсон, икки ыалга көмөлөстүлэр. Кинилэр ким төһө кыахтааҕынан элбэх оҕолоох табаарыстарыгар көмөлөһөн харчы хомуйбуттара, элбээн тахсыбыт. Онон өссө биир ыалга бородууктанан көмөлөһөргө санаммыттар.
Онон «воиннар» Партизан нэһилиэгэр олорор 5 оҕолоох Кривошапкиннар дьиэ кэргэҥҥэ планшет уонна смартфон атыылаһан биэрбиттэр уонна 4 оҕолоох Ядреевтар дьиэ кэргэҥҥэ ас бородууктатын бэлэхтээтилэр.
Бу туһунан улуустааҕы пресс-сулууспа социальнай ситимнэргэ сырдатта.
Ити курдук, Ийэ дойдуга бэриниилээх буолуу сылыгар «Воин» уопсастыбаннай түмсүү элбэх оҕолоох биир дойдулаахтарыгар сүҥкэн өйөбүлү оҥрдо.
Елена ПОТОЦКАЯ, «Саха сирэ» хаһыат, edersaas.ru
Хаартыска — «Нам улууһа» МТ пресс-сулууспата.