Дьокуускайга баар «Водоканал» акционернай хампаанньаҕа биэс киһи коронавирус дьаҥыгар сутуллубута билиннэ.
edersaas.ru
Түөрт ыалдьыбыт киһи оҥорон таһаарар салаалартан биирдэстэригэр үлэлии сылдьыбыт, биир киһи салалтаҕа үлэлиир эбит. Сутуллуу биир түгэҥҥэ буолбакка, араас кэмҥэ буолбута быһаарылынна. Булуллубут ыарыылар бары дьиэ иһинээҕи хантаактары кытта сибээстээхтэрэ билиннэ. Бары ыалдьыбыт дьон мэдиссиинискэй кэтээн көрүүгэ ылыллыбыттар, сырыылара хааччахтаммыт.
«Водоканал» акционернай хампаанньа салатата биллэрэринэн, инфекцияны утары сүбэ дьаһаллар барыта тэрилтэ иһигэр олоччу толоруллаллар. Үлэһиттэр харыстанар маасканан уонна дезинфекция тэриллэринэн толору хааччылыбыттар, үлэ араас салаатыгар үлэлиир дьон бэйэ-бэйэтин кыттаа алтыһыылара хааччахтаммыт, уу баһар тутууларга уонна биологическай ыраастыыр станцияҕа атын дьон киирэрэ кытаанахтык хааччахтаммыт. Үлэ иннинэ үлэһиттэри термометрдыыллар, кварцевай лаампалар туруорбуттар. Сорох үлэһиттэр дьиэттэн үлэлииллэр. Мунньахтар барыта видеоконференция нөҥүө ыытыллаллар. Үлэһиттэр бары коронавирус ыарыыттан страховкаламмыттар.
Ыарыы булуллубутун кэнниттэн «Водоканал» тэрилтэҕэ дьон үлэлиир дьиэлэригэр, өрөмүөннүүр механическай сыахха эбии толору дезинфекция ыытыллыбыт. Билигин тэрилтэ штатнай эрэсииминэн үлэлии турар.
Егор Карпов, «Саха сирэ» хаһыат, edersaas.ru