“Вмененканы” кытта быраһаайдаһабыт. Урбаанньыттар тугу гыныахтаахтарый?

Ааптар: 
22.11.2020
Бөлөххө киир:

Кэлэр дьылтан нолуокка туох уларыйыы киирээри турарый? 

edersaas.ru

2021 сыл тохсунньу ыйтан нолуок тиһигэр туох уларыйыы тахсарын туһунан Арассыыйа ФНС Саха сиринээҕи салаатын 5 №-дээх оройуоннар икки ардыларынааҕы иниспиэксийэтиттэн маннык иһитиннэриини ыыттылар:

2021 сыл тохсунньу 1 күнүттэн Арассыыйа Федерациятын сиригэр-уотугар нолуок анал эрэсиимэ – үлэ-дьарык сорох көрүҥнэригэр биир кэлим олохтоммут (вмененный) нолуок көрүҥүнэн нолуогу түһэрии тиһигэ тохтотуллар.

ЕНВД нолуогун төлөөччүлэр нолуоктааһын атын эрэсиимигэр көһүөхтэрин сөп. Ол курдук, юридическай сирэйдэр нолуогу түһэрии уопсай тиһигэр эбэтэр нолуогу түһэрии судургутутуллубут тиһигэр (УСН) көһөр кыахтаахтар. Биирдэм урбаанньыттар бу ыйыллыбыт эрэсиимнэртэн ураты нолуогу олохтооһун патеннаммыт тиһигин (ПСН) талыахтарын эмиэ сөп. Тыа хаһаайыстыбатын табаарын оҥорон таһаарар тэрилтэлэр уонна биирдэм урбаанньыттар  биир кэлим тыа хаһаайыстыбатын нолуогун (ЕСХН) туһанар бырааптаахтар.

Нолуок-түһээн сөптөөх эрэсиимин талар туһугар Арассыыйа Федеральнай нолуок сулууспатын саайтыгар тахсыбыт “Налоговый калькулятолр – Выбор режима налогообложения” уонна “Какой режим подходит моему бизнесу?” онлайн-сервистэринэн туһаналлара көмөлөөх буолуоҕа.

Нолуок атын анал эрэсиимигэр көһүүгэ 2021 сыл тохсунньу 1 күнүттэн маннык докумуоннары биэриэхтээххит:

— УСН көһүүгэ – 26.2-1№-дээх көрүҥнээх иһитиннэриини 2020 сыл ахсынньы 31 күнүн аһарбакка ;

— ПСН көһүүгэ – 26.5-1 №-дээх көрүҥүнэн патены ылыыга сайабылыанньа, ПСН туһаныы иннинэ 10 үлэ күнүн иһинэн;

— ЕСХН көһүүгэ – 26.1-1 №-дээх көрүҥүнэн иһитиннэриини 2020 сыл  ахсынньы 31 күнүгэр диэри.

Тэрилтэлэр уонна урбаанньыттар олохтоммут болдьоххо нолуок атын эрэсиимигэр кыайан көспөтөхтөрүнэ, 2021 сыл тохсунньу 1 күнүттэн нолуоктааһын уопсай эрэсиимигэр быһалыы киллэриллиэхтэрэ.

Ханнык эрэсиими талбытын туһунан иһитиннэриитин (сайабылыанньаны)  урбаанньыт тус кэбиниэтин, юридическай сирэй тус кэбиниэтин, сибээс телекоммуникационнай ханаалларын нөҥүө, почтанан ыытан эбэтэр олохтоох нолуок уоргаҥҥытыгар хамсык дьаҥын хаарчахтааһыннара тохтоотохторуна, бэйэҕит тиксэриэххитин сөп.

Бэлэмнээтэ Женни Стрюкова, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0