Владимир Солодов: “Ыраах сытар нэһилиэнньэлээх пууннары тупсарарга үп бэриллэрин туруорсуохпут”

Арассыыйа аҕа баһылыга Владимир Путин сорудаҕынан, Саха сирин бырабыыталыстыбата өрөспүүбүлүкэҕэ доруобуйа харыстабылын модернизациялааһыҥҥа эрэгийиэннээҕи бырагыраамалары оҥорорго үлэни ыытар.

Бу туһунан бүгүн, сэтинньи 20 күнүгэр, Саха сирин бырабыыталыстыбатын бэрэссэдээтэлэ Владимир Солодов иһитиннэрдэ.
Премьер СӨ Судаарыстыбаннай мунньаҕын (Ил Түмэн) ХI пленарнай мунньаҕар бэлиэтээбитинэн, манна СӨ Доруобуйа харыстабылын министиэристибэтэ уонна өрөспүүбүлүкэ бырабыыталыстыбата былаас федеральнай уорганнарын кытта күүстээх үлэни ыытар.

“Бу сыалга-сорукка дойдуга 500 миллиард солкуобай бэриллиэҕэ. Бу үптэн күттүөннээх үбү Саха Өрөспүүбүлүкэтигэр медицинэ тэрилтэлэрэ, ол иһигэр ыраах сытар нэһилиэнньэлээх пууннар, мөлтөх туруктарын көннөрөргө бэриллэрин туруорсабыт”, – диэтэ Владимир Солодов.

Надежда ЕГОРОВА, “Саха сирэ” хаһыат, edersaas.ru