Владимир Солодов: «Онкологическай киин тутуута саҕаланыаҕа»

Дьокуускайга онкологическай киини тутуу иккис уочарата быйыл саҕаланыаҕа уонна түргэнник барыаҕа диэн ситэриилээх былаас быһа эфиргэ отчуотугар бырабыыталыстыба бэрэссэдээтэлэ Владимир Солодов эттэ.

«Быйыл тохсунньуга Главгосэкспертизаттан бигэргэммт бырайыагы туттубут. Бу докумуон суох буолан, доруобуйа харыстабылын министиэристибэтин профильнай бырагырааматыгар киирэрбит харгыстаммыта. Бу боппуруоһу Ил Дархан миниистир Вероника Скворцованы кытта көрсүһүүтүгэр эмиэ туруорбута. Миниистир онко-киин тутуллуутун бырагыраамаҕа киллэртэрэргэ сорудахтаабыта. Түмүктүүр быһаарыыны күүтэбит, ол кэннэ тута федеральнай үбүлээһини күүппэккэ, тутууну саҕалыахпыт«, — диэтэ кини. Бу бырайыакка тус эппиэтинэһи Ольга Балабкина сүгэр.