Ил Дархан Владимир Солодовы Камчатка губернаторынан талыллыбытынан эҕэрдэлээтэ

Бөлөххө киир:

Саха сирин Ил Дархана Айсен Николаев Владимир Солодовы Камчатка губернаторынан талыллыбытынан «Твиттеригэр» эҕэрдэлээтэ.

«Доҕорбун уонна кэллиэгэбин Владимир Солодовы Камчатка баһылыгын быыбарыгар эрэллээхтик кыайбытынан эҕэрдэлиибин. Кытаанах доруобуйаны, ситиһиилээх уонна көдьүүстээх үлэни, былааннаабыккын олоххо киллэрэргэр баҕарабын! Уруй! Айхал!» — диэн Айсен Николаев суруйбут.

Владимир Солодов быыбарга 80,51 % куолаһы ылан кыайыылаах таҕыста. Бу иннинэ кини Владимир Илюхин астаапкатын кэнниттэн губернатор эбээһинэһин толорооччунан үлэлээбитэ. Оттон ол иннинэ Саха Өрөспүүбүлүкэтин бырабыыталыстыбатыгар бэрэссэдээтэллээбитэ.

edersaas.ru

Хаартыска — news.myseldon.com

+1
0
+1
0
+1
0
+1
0
+1
0
+1
0
+1
0