Сүрүн Тырааныспар

Владимир Сивцев: “Сөмөлүөт билиэтин сыаната үрдүө суоҕа”

Бүгүн СӨ тырааныспарга миниистирэ Владимир Сивцев социальнай ситиминэн быһа эпииргэ кытынна. Кини  эрэгийиэн иһинээҕи көтүүгэ билиэт сыаната үрдээбэтин туһунан иһитиннэрдэ. Ол эрээри, көтөр аалларга аналлаах кыраһыын сыаната биллэрдик үрдээбит.

«Билигин  авиасалааҕа уустук соҕус кэмнэр үөскээтилэр.  Биллэр төрүөтүнэн ыгыыга түбэстилэр.  Эрэгийиэннээҕи авиахампаанньалары  Арассыыйатааҕы реестргэ көһөрдүлэр.  Бэҕэһээ  авиатэрилтэлэри өйүүр миэрэлэр тустарынан Ил Дархан Айсен Николаев көрбүтэ. Саха сирин иһинээҕи  хампаанньалар штатнай эрэсииминэн үлэлииллэр, бары эриэйистэр толоруллаллар.

Улуустар истэригэр көтүү субсидиятыгар эбии 150 мөл. солк. көрүлүннэ, быйыл чэпчэтиилээх билиэттээх  893 эриэйис оҥоһуллуоҕа. Манна аналлаах бырагыраамаҕа кэккэ уларыйыылар киирбиттэрэ.  Бу Арктика улуустарыгар сыһыаннаах. Субсидияҕа эрдэ 250 мөл солк. көрүллүбүт буоллаҕына, эбии 350 мөл солк. тыырыллыаҕа. Итинэн сибээстээн, хоту улуустарга субсидиялаах билиэттээх 10 эриэйис эбиллэн биэриэҕэ», — диэн миниистир Владимир Сивцев быһааран биэрдэ.

Миниистир билигин олохтоох хампаанньалар тас дойдуларга көппөттөрүн туһунан иһитиннэрдэ.
Арай,  «Аэрофлот», «ЮТэйр», «Россия»  авиахампаанньаларын көтөр ааллара Азербайджан, Армения, Казахстан, Киргизия, Турция дойдуларыгар  көтөллөр. Билиҥҥи туругунан билиэт сыаната үрдүүр туруга суох диэн эрэгийиэн миниистирэ Владимир Сивцев иһитиннэрдэ.

 

 

0
0
Telegram Whatsapp