Владимир Путин Уһук Илиҥҥэ көтүүгэ чэпчэтиилээх билиэтинэн туһаныыга сааһынан хааччахтааһыны суох оҥоруу туһунан сорудахтаата

19.01.2021
Бөлөххө киир:

Владимир Путин Уһук Илиҥҥэ көтүүгэ чэпчэтиилээх билиэтинэн туһаныыга сааһынан хааччахтааһыны суох оҥоруу туһунан сорудахтаата. Бу туһунан ТАСС ааҕыныстыба суруйар.

Маны таһынан РФ бырабыыталыстыбата уонна  Госсэбиэт тырааныспарка хамыыһыйата эрэгийиэннээҕи уонна олохтоох авиакөтүү бырагыраамалары кэҥэтиигэ  этиилэри киллэриэхтээхтэр.

Онон инникитин Уһук Илиҥҥэ чэпчэтиилээх билиэттэринэн туһанааччылар элбиэхтэрин сөп. Туһааннаах докумуон Владимир Путин бэнидиэнньиккэ киллэрбит сорудахтарын испииһэгэр киирбит. Соругу олоххо киллэрии кулун тутар 15 күнүгэр диэри болдьохтоох.

Санатан эттэххэ, 2021 сыллааҕы  судаарыстыбаннай бүддьүөккэ Уһук Илинтэн Симферопольга уонна Калининградка чэпчэтиилээх көтүүгэ 3,8 млрд солкуобай  аттарыллыбыта. Миниистирдэр кэбиниэттэрэ Уһук Илиҥҥэ көтүүгэ субсидияҕа анаан эбии 5 млрд солк. көрбүтэ.

Билигин чэпчэтиилээх билиэтинэн 23 саастарын туола илик, элбэх оҕолоох ыаллар, 55 саастарыттан үөһээ саастаах дьахталлар,  60 саастарыттан үөһээ эр дьон итиэннэ I-кы группалаах инбэлииттэр, кинилэри арыаллааччылар, II, III  группалаах инбэлиит оҕолор  туһаналлар.

edersaas.ru

Хаартыска https://kafabella.ru

+1
0
+1
0
+1
0
+1
0
+1
0
+1
0
+1
0