Арассыыйа Бэрэсидьиэнэ Владимир Путин Саха сириттэн дзюдоистка Аина Моисееваҕа Владивостокка буолбут норуоттар икки ардыларынааҕы турнир мэтээлин туттарда. Дойду сүүмэрдэммит хамаандатын састаабыгар киирэн саха кыыһа иккис миэстэ буолла.
edersaas.ru
Санатан эттэххэ, Илиҥҥи экэнэмиичэскэй форум чэрчитинэн дзюдоҕа аҕыс дойду кыттыылаах турниры тэрийдилэр. Монголия, Кытай, Корея хамаандаларын кыайан, Арассыыйа хамаандата финалга таҕыста. Быһаарыылаах матчка Арассыыйа спортсменнара японецтары кытта күөн көрүстүлэр.
Долгутуулаах киирсии туһунан YakutiaDaily-гэ Саха сирин кылаабынай тириэньэрэ Дамдин Гомбодорж маннык кэпсээтэ: “Микс-сүүмэрдэммит хамаанда үс кыыстан (48 киилэ, 53 киилэ уонна 63 киилэттэн үөһээ) уонна үс уолтан (60 киилэ, 73 киилэ уонна 73 киилэттэн үөһээ) турар. Татамига Аина тахсарыгар хамаандабыт 0:2 ахсаанынан кыайтаран иһэрэ, өскөтүн кини хотторбута буоллар, балаһыанньа тыҥааһыннаах буолуо этэ. Моисееваҕа киирсиитэ судургута суоҕа: кини утарылаһааччыта хас да баалы ылбыта, ол эрээри кэнники сөкүүндэлэргэ Аина кыайыыны ситиспитэ. Хомойуох иһин, Арассыыйа спортсменнара 4:6 ахсаанынан хааллылар. Түөрт киирсиигэ мин иитиллээчим эрчиллиилэргэ чочуйбут прималары таба туһаммыта үөрдэр”.
Финалы РФ Бэрэсидьиэнэ Владимир Путин кэтээн көрдө. Наҕараадалааһын сиэригэр-туомугар кини Арассыыйа дзюдоистарыгар мэтээллэри туттарда. Бастакынан бирииһи Аина Моисеева тутта.
edersaas.ru