Айылҕа харыстабыла Сүрүн

Владимир Путин Саха сирин десантниктарын наҕараадалаата

Арассыыйа Аҕа баһылыга  Владимир Путин бүгүн сарсыарда   Благовещенскай куоракка кэлэн, эрэгийиэннэргэ айылҕа баһаарын уонна халаан уутун содулларын туоратыыга үлэлээбит дьоҥҥо наҕараадалары туттарда.
Владимир Путин туһааннаах сулууспа үлэһиттэрин үлэтэ ыараханын уонна кутталлааҕын бэлиэтээн эттэ.
Наҕараадаламмыттар ортолоругар Дьокуускайдааҕы авиационнай ойуур харыстабылын базатын Бэрдьигэстээхтээҕи авиаотделениетын десантнига Егор Захаров,
Дьокуускайдааҕы авиационнай ойуур харыстабылын базатын десантнига Борис Кручинин уонна ис сулууспа старшината Семен Пазынич бааллар.
Санатан эттэххэ, Владимир Путин Уһук Илиҥҥэ оробуочай сырыыта  балаҕан ыйын 1 күнүгэр саҕаламмыта. Уһук Илиннээҕи экономическай форумҥа кыттыы кэнниттэн, Владимир Путин Амур уобалаһыгар айаннаата, онно «Ангара» стартовай комплекс (космодром Восточнай)  былаһааккатын  көрдө.
СӨ Ил Дарханын уонна бырабыыталыстыбатын  пресс-сулууспата
0
0